سەرنووچە:

پڕۆژەياسایا چاکسازیێ گەهشتە پەڕلەمانێ کوردستانێ

بڕیارە خاندنا یەکێ بۆ پڕۆژەیاسایێ بهێتەکرن
فۆتۆ: 
2019-12-12

229 جار خوێندراوەتەوە

پڕۆژەياسایا چاکسازیێ گەهشتە پەڕلەمانێ کوردستانێ و بڕیارە دەستەیا سەرۆکایەتیا پەڕلەمانی بانگا ئەندام پەڕلەمانان بکەت، ب مەرەما خاندنا یەکێ بۆ پڕۆژەیاسایێ.

پەڕلەمانێ کوردستانێ د ڕاگەهاندنەکێ دا بەلاڤکر و تێدا هاتیە،" ئەڤرۆ پرۆژەیاسایا چاکسازیێ ژ ئالیێ وەزرێ هەرێمێ بۆ کاروبارێن پەڕلەمانی گەهشتە دەستەیا سەرۆکایەتیا پەڕ لەمانێ کوردستانێ".

هەر د ڕاگەهاندنێ دا هاتیە، " بڕیارە دەستەیا سەرۆکایەتیا پەڕلەمانی بانگا ئەندام پەڕلەمانان بکەت بۆ ڕوونشتنا پەڕلەمانی ب مەرەما خاندنا یەکێ بۆ وێ پڕۆژە یاسایێ".

ئەڤەژی د دەمەکێ دایە، کو دوهی د جڤینا جڤاتا وەزیران دا پرۆژەیاسایا چاکسازیێ هاتە پەسەندکرن، بەشەکا ئالیێن ئۆپۆزسیۆنێ ژی دبێژن، " حکومەتێ دەست بسەر وێ پڕۆژەیاسایێ دا گرتیە و بۆ ئالیێن کو د حکومەتێ دا بەژدارن و ب دەستکەفتێن خۆ دزانن".

ئەڤەژی د دەمەکێ دایە، لگۆڕەی داخویانیێن بەرپرسێن حکومەتا هەرێمێ، پڕۆژەیاسایا چاکسازیێ، گۆڕانکاری و پێداچوونە ب موچەیێ تەڤایا سێکتەران دا و بۆ دەمێ چار مەهان ژی د پێکئینانا حکومەتا هەرێمێ دا، پڕۆژەیاسایا چاکسازیێ یەک ژ وان پڕۆژەیان بوویە کو ب هەلاویستی د ناڤبەرا پەڕلەمانێ کوردستانێ و جڤاتا وەزیران دا مابوویە.

س.ع