سەرنووچە:

ل عەفرینێ ٧ چەکدارێن گرۆپێن گرێدای تورکیایێ هاتن کوشتن

فۆتۆ: 
2019-12-08

237 جار خوێندراوەتەوە

هێزێن ڕزگاریا عەفرینێ ڕاگەهاند، هێزێن وان ل باژاڕێ عەفرینێ ٧ چەکدارێن گرۆپێن گرێدای تورکیایێ کوشتن.

ھێزێن ڕزگاریا عەفرینێ ل ڕۆژئاڤایێ کوردستانێ بەیاننامەک بەلاڤکر و دازانین، دوهی ٧ێ کانونا ٢٠١٩ێ هێزێن وان ل گوندێ کەفەر نەبۆیێ یێ گرێدایی دەڤەرا شێراوا سەر ب باژاڕێ عەفرینێ ل دژی چەپەر و ستارگەهێن چەکدارێن گرۆپا فرقات ئەلحەمزە یا گرێدایی تورکیایێ چالاکی پێکئینانە، د ئەنجامێ دا ٧ چەکدار هاتنە کوشتن.

ئەو یەک ژی دازانین، هەر د چالاکیێ دا ٤ چەکدارێن دی برینداربوون و دوو ستارگەهـ و چەپەرەک هاتنە ژناڤبرن.

دیارکر ژی، هێزێن وان پشتی چالاکیێ خالێن لەشکەری یێن ئارتێشا تورکیا و گروپێن گرێدایی وێ ل گوندێن مەیسێ، زرنەیتێ و گرێ زرنەیتێ یێن سەر ب دەڤەرا شێراوا تۆپباران کرینە.

رۆژا ١٨ێ ئادارا ٢٠١٨ێ، دەولەتا تورکیا و گرۆپێن چەکدارێن گرێدایی وێ دەست ب سەر باژارێ عەفرینا رۆژئاڤایێ کوردستانێ دا گرتن. ژ وی دەمی ڤە هەیا نها هێزەک ژ شەرڤان و خەلکێ عەفرینێ دبن ناڤێ هێزێن ڕزگاریا عەفرینێ هاتیە پێکئینان، ناڤ بناڤ چالاکیان ل دژی هێزێن چەکدارێن ناڤ وی باژاری پێکدئینن.

س.م