سەرنووچە:

ئەمریکا: تنێ دێ ٦٠٠ لەشکەران ل سوریا هێلین

فۆتۆ: 
2019-12-05

225 جار خوێندراوەتەوە

وەزیرێ بەڕەڤانیا ئەمریکا ڕاگەهاند، ولاتێ وی پرۆسەیا ڤەکشاندنا هێزێن خۆ ل باکورێ ڕۆژهەلاتا سوریا تەمام کریە و تنی دێ ٦٠٠ لەشکەر ل وی ولاتی مینن.

مارک ئیسپەر د داخویانیەکێ دا بۆ ئاژانسا ڕۆیتەرز دیارکر، ئەو ٦٠٠ لەشکەرێن کو هاتنە دەستنیشانکرن بمینن، د داهاتی دا لگۆری ڕەوشا دەڤەرێ دێ گۆهەڕتن بسەردا هێت.

بەحسا وێ یەکێ ژی کر، "هەر دگەل ڕاگەهاندنا بڕیارا دۆنالد ترەمپ سەرۆکێ ئەمریکا بۆ ڤەکشاندنا هێزێن مە ل باکورێ سوریا و ل دەستپێکا جۆتمەهێ، ب ڕێژەیا ٤٠% مە دەست ب ڤەکشاندنا هێزێن خۆ کریە".

هەڤدەم دەربارەی کڕینا سیستەما ئێس ٤٠٠ یێ ڕووسی ژ ئالیێ تورکیا ڤە، گوت، د نها دا چ لهەڤهاتنەک دگەل وی ولاتی دا نینە.

ئەڤە ژی دەمەکێ دایە، کو پێشتر هەژمارا لەشکەرێن ئەمریکا ل سوریا هزار لەشکەر دەربازدکرن.

س.م