سەرنووچە:

هەولێر.. بەشەک ڕۆژنامەڤانان د شەشەمین سالڤەگەڕا تیرۆرکرنا کاوە گەرمیانی دا خرڤەبوون

فۆتۆ: 
2019-12-05

240 جار خوێندراوەتەوە

ل هەولێرێ بەشەک ژ ڕۆژنامەڤان، چالاکڤان و پەڕلەمانتاران د شەشەمین سالڤەگەڕا تیرۆرکرنا ڕۆژنامەڤان کاوە گەرمیانی دا خرڤەبوون.

نووجەگەهانێ دیجیتال میدیایا ئێن ئاڕ تی ڕاگەهاند، د دەما خرڤەبوونێ دا هێزێن ئەولەهیێ یێن هەولێرێ خواستن ڕێگریێ ل خرڤەبوونێ بکەن و بەلاڤەیێ ب بەرهەڤبوویان بکەن، هەروەسا بزاڤا دەستبسەرداگرتنا کەلوپەلێن تیما ڕۆژنامەڤانیا ئێن ئاڕ تی کرن، لێ ژ ئالیێ بەرهەڤبوویان ڤە ڕێگری ل وان هاتە کرن.

بەحسا وێ یەکێ ژی کر، بەرهەڤبوویان داخوازکرنە ئازادیا ڕۆژنامەڤانی بهێتە جیبجیکرن و مافێ ڕۆژنامەڤانان یێ پاراستی بیت و بکوژێن ڕۆژنامەڤانان بهێنە دادگەهکرن.

شەڤا پێنج لسەر شەشا مەها کانونا ٢٠١٣ێ ل بەردەرگەهێ مالا وی ل کەلار ژ ئالیێ چەند چەکداران ڤە دەستڕێژیا گولەیان ژ  ڕۆژنامەڤان کاوە گەرمیانی هاتە کرن و هاتە تیرۆرکرن، لسەر کەیسا تیرۆرکرنا وی ڕۆژنامەڤانی ژی کەسەک ب زیندانیکرنا هەتا هەتایی هاتیە سزادان.

س.م