سەرنووچە:

مەسرور بارزانی: گەندەلی د سازیێن حکومەتێ دا هاتیە ڕاگرتن

فۆتۆ: 
2019-11-20

285 جار خوێندراوەتەوە

مەسرور بارزانی ڕاگەهاند، گەندەلی د سازیێن حکومەتێ دا هاتیە ڕاگرتن و ڕێ ناهێتە دان ب ڕێیا بەرتیل و هەڤالینیێ مامەلە د فەرمانگەهێن حکومەتێ دا بهێتە کرن.

مەسرور بارزانی سەرۆکێ حکومەتا هەرێما کوردستانێ ئەڤرۆ چارشەمبێ ( ٢٠مژدارا ٢٠١٩ ێ) د دیدارا ئاشتى و ئەولەهیێ ل ڕۆژهەلاتا ناڤەڕاست دا و ژ زانینگەها ئەمریکی ل دهۆکێ ڕاگەهاند، " دەمێ ئەم هاتین مە دروشمێ کوردستانەکا بهێز بلند کریە، هەیا کو ئەولەهیەکا زێدەر و ئابوریەکا بهێز و سیاسی دروستبکەین . گۆت ژی، دێ پەیوەندیێن خۆ دگەل بەغدا بهێزکەین هەیا کو ئارشەیان چارەسەربکەین".

بەحسا وێ یەکێ ژی کر، حکومەتا بەرپرسیار ئەوە کو دکاریت گەندەلیێ کێم بکەت، گەلەک ژی زەحمەتە گەندەلی ب تەمامی ژ ناڤببەن، لێ وان ژ ڕوویێ دارایی ڤە چاکسازی کریە، هندەک ژ کارمەندێن حکومەتێ تنێ دوو دەمژمێران کار دکەن، لێ مووچەی وەردگرن و پێدڤیە ژی فەرمانبەر هەیا دەمێ خۆیێ دیارکری دەوامێ بکەن هەیا گەندەلی دروست نەبیت.

زەلالکر ژی، دێ ڕێگریێ ژ بەرتیلدانێ کەن و، دیارکر، گەندەلی ل هەرێمێ هاتیە ڕاگرتن چ کەسەک نکاریت ب ڕێیا هەڤالینێ کارێن خۆ جێبجێ بکەت، هەروەسا هەیا کو پەیوەندیان دگەل بەغدایێ دا ئاسایی بکەن و بڕوویێ جیهانێ بهێنە ڤەکرن، دێ ب بەرفرەهی پشت ب داهاتێ نافخۆ گرێدەن.

ئەڤە ژی د دەمەکێ دایە، وەلاتیێن هەرێما کوردستانێ ب بەردەوامی ڕەخنەیان دگرن ژ زۆریا گەندەلیێ ل تەڤا دامودەزگەهێن حکومڕانیێ ل هەرێما کوردستانێ، بەرپرسان ژی بەردەوام سۆزێن ئەنجامدانا چاکسازیێ و نەهێلانا گەندەلیێ ب وەلاتیێن هەرێما کوردستانێ داینە.

س.ع