سەرنووچە:

دێرەلۆک.. ل قوتابخانەکا بنەرەتى سڤکاتى ب قوتابیەکێ دهێت کرن

فۆتۆ: 
2019-11-20

11368 جار خوێندراوەتەوە

ل ناحیا دێرەلوکێ ل قوتابخانەیا بنار یا بنەرەتى وانەبێژەک سڤکاتیێ ب قوتابیەکا کچ دکەت ، پێ دکەنیت و ڤیدیۆ دکەت.

لگۆرى گرتەیەکا ڤیدیۆیى کو د تورێن جڤاکى دا بەلاڤبوویە ، دەردکەڤیت قوتابیەکا کچ یا بنەرەتى د دەما خواندنا وانا خۆ دا وانەبێژەک سڤکاتیێ پێ دکەت، پێ دکەنیت و ڤیدیۆ دکەت، ئەڤ بوویەر ژى ل قوتابخانەیەکا سنورێ ناحیا دێرەلوک ب ناڤێ قوتابخانەیا بنار یا بنەرەتى روودایە و پشتى بەلاڤبوونا ڤیدیۆیێ کارڤەدان د تۆرێن جڤاکى دا پەیدابوون.

هەروەسا نووچەگەهانێ ئێن ئار تى راگەهاند، کو پەیوەندى ب پەروەردەیا قەزا ئامێدیێ کرنە و دانە دیار کرن پشتى وێ گرتەیا ڤیدیۆیى ئەو وانەبێژ ل کارێ وێ هاتیە دوورخستن و ڤەکۆلین لسەر بابەتى بەردەوامە. 

ئەڤە د دەمەکێ دایە،  بەریا نها ژى ل چەندین قوتابخانەیان ئەڤ بوویەرە روودانە و لدووڤ دا د تۆرێن جڤاکى دا کارڤەدان لێکەفتنە و بەریا حەفتیەکێ ژى ل قۆتابخانەکا هەولێرێ د گرتە ڤیدیۆیەکێ دا دەر دکەفت کو رێڤەبەرەکێ کارێ پاقژکرنا مەنهولان ب قوتابیان دکر و پشترا هات سزا دان.