سەرنووچە:

سۆران.. د دەمێ ٤٥ ڕۆژان دا ٤٤ کەس لسەر ماددەیێن هۆشبەر هاتنە دەستەسەرکرن

فۆتۆ: 
2019-11-19

255 جار خوێندراوەتەوە

 پۆلیسێ سۆران ڕاگەهاند، د دەمێ ٤٥ ڕۆژان دا ٤٤ کەس ب تۆهمەتا  کێشان و بازرگانی کرن ب ماددەیێن هۆشبەر ل سنورێ قەزایا سۆران هاتنە دەستەسەرکرن.

د ڕاگەهاندنەکێ دا بنگەهێ نەهێلانا ماددەیێن هۆشبەر ل سۆران کو ئەڤرۆ بەلاڤکریە و تێدا هاتیە، " ل ٤ێ ئلۆنێ هەیا کو ١٩ێ جۆتمەهێ ٤٤ کەس ب تۆهمەتا ئالودەبوون و بازرگانی کرن ب ماددەیێ، هۆشبەر ل سنورێ قەزایا سۆران هاتنە دەستەسەرکرن و دیفدا بۆ دادگەها ڤەکۆلینێ هاتنە شاندن.

ژبەر  کو قەزایا سۆران دکەڤیتە سنورێ هەر دوو وەلاتێن تورکیا و ئیرانێ ئەو دەڤەر وەک ترانزێت بۆ بکارئینان و بازرگانی کرن ب ماددەیێن هۆشبەر دهێتە بکارئینان، ڤێ یەکێ ژی باندۆریەکا خراب لسەر دەرونێ وەلاتیان دروستکریە و لگۆڕەی زانیاریان ژی بکارئینان و بازرگانی کرن ب ماددەیێن هۆشبەر ل وی سنوری د زێدەبوونێ دایە.

س.ع