سەرنووچە:

ئیران.. بسەدەما خونیشاندانان ل چەند پارێزگەهان دەواما خواندنگەهان هاتە راگرتن

نەرازیبوونێن وەلاتیێن ئیرانێ بەردەوامە
فۆتۆ: 
2019-11-18

230 جار خوێندراوەتەوە

نەرازیبوونێن وەلاتیێن ئیرانێ دژى بلندبوونا بهایێ بەنزینێ بەردەوامە و ل پارێزگەهێن ئەلبورز، ئەسفەهان، شیراز و خوزستان دەواما خواندنگەهان هاتیە راگرتن.

لگورى ئەو گرتەڤیدیۆیا د تورێن جڤاکی دا هاتیە بەلاڤکرن شەفا یەک شەمبی خونیشاندان ل پشکەکا ژ باژارێن ئیران و رۆژهەلاتا کوردستانێ برێڤەچوونە.

لگورى زانیاریان ل باژارێن جوانڕۆ، مەریوان و بۆکان ل رۆژهەلاتا کوردستانێ توندوتیژی درۆستبوویە و هەژمارەکا خونیشاندەران هاتنە کوشتن.

هەڤدەم ژبەر بەرفەهبوونا خونیشاندانان محەمەد قەسیم عوسمانى کو نوونەرێ باژارێ بۆکانە ل پەرلەمانێ ئێرانێ دەست ژ کار کێشا.

توورا مافێن مرۆڤێن کوردستانێ گرتە ڤدیۆیەک بەلاڤکریە کو تێدا دەردکەڤیت هێزێن ئەولەهیێ ل سەر بانێ ئاڤاهیێ دادگەها جونرۆ راستەوخۆ تەقێ ل خونیشاندەران دکەت.