سەرنووچە:

هەسەدە: مە چ لهەڤهاتنەک لسەر تلتەمەر دگەل ڕوسیا و تورکیا دا نەکریە

فۆتۆ: 
2019-11-17

258 جار خوێندراوەتەوە

هێزێن سوریا دیموکرات (هەسەدە) د بەیاننامەیەکێ دا ڕەتکر کو دەبارەی ب ڕییا سەرەکیا ناڤبەرا حەسەکە- حەلەب دگەل ڕوسیا و تورکیا دا لهەڤهاتبن.

ئەڤرۆ یەکشەمبێ (١٧ مژدارا ٢٠١٩ێ) پەیڤدارێ هەسەدێ د بەیاننامەیەکێ دا نووچەیا لهەڤهاتنا هەسەدە، تورکیا و ڕوسیا لسەر ڕادەستکرنا ڕێیا ناڤدەلەتی ئێم ٤ کو دکەتە ڕیێا سەرەکیا ناڤبەرا حەسەکە- حەلەب، ب پۆلیسێ ڕوسیا و ئارتێشا سوریایێ ڕەتکر.

د بەیاننامەیا کیانۆ گابرێل، پەیڤدارێ هەسەدێ هاتیە، " ئەم ڕاستیا وێ نووچەیێ ڕەتدکەین و ڕایا گشتی پشتڕاست دکەین کو ئارتێشا تورکیا و گروپێن گرێدایێن وێ، د داگیرکرنێن خۆ دا ل گوندێن دەردۆرێن ناحیا تەلتەمر بەردەوامن".

ئەڤە ژی پشتی وێ یەکێ هات، د میدیایان دا نووچەیەکە دەربارەی هەسەدە، ڕوسیا و تورکیا بەلاڤببوو، کو تێدا وەسا هاتبوو بەحسکرن، لهەڤهاتن دەربارەی ڕادەستکرنا ڕێیا سەرەکیا حەسەکە- حەلەب ب پۆلیسێ ڕوسیا و ئارتێشا سوریا هاتیە کرن.