سەرنووچە:

پرۆژەیێ لۆگۆیێن تەکسیێن باژاڕێن هەرێمێ کەفتە د بیاڤێ جیبجیکرنێ دا

فۆتۆ: 
2019-11-17

378 جار خوێندراوەتەوە

ڕێڤەبەرێ گشتیێ ڤەگوهاستن و گەهاندنێ ڕاگەهاند، پرۆژەیێ لێدانا لۆگۆ و ڕەنگێ تایبەت ب تەکسیێن باژاڕان کەفتە د بیاڤێ جیبجیکرنێ دا و ژ ڕۆژا دووشەمبیێ ڤە شۆفێرێن تەکسیان دکارن فۆرما تایبەت وەرگرن.

سالار جەوهەر ڕێڤەبەرێ گشتیێ ڤەگوهاستن و گەهاندنێ د کۆنفرانسەکا ڕۆژنامەڤانی دا دیارکر، پڕۆژەیێ لێدانا لۆگۆ و ڕەنگێ تایبەتێ تەکسیێن باژاڕان پڕۆژەیەکێ گشتییە بۆ سەرتاسەریا هەرێما کوردستانێ و د نها دا د قۆناغا جیبجیکرنێ دایە.

دازانین ژی، ئاگەهداریا شۆفێران دکەن کو سەرەدانا ڕێڤەبەریا ڤەگوهاستنێ ل پارێزگەهان بکەن، بۆ وەرگرتنا فۆڕما تایبەت.

لگۆری بڕیارێ، تەکسیێن ناڤ باژاڕێ هەولێرێ ڕەنگێ سور، تەکسیێن ناڤ باژاڕێ سلێمانیێ ڕەنگێ شین و تەکسیێن ناڤ باژاڕێ دهۆکێ ڕەنگێ ڕەش، دەرڤەیی باژاڕان ژی ڕەنگێ قەهوەی دبن.

س.م