سەرنووچە:

بێگەرد تالەبانی: دێ بازاڕی بۆ بەرهەمێن نافخۆ بینین

فۆتۆ: 
2019-11-17

253 جار خوێندراوەتەوە

وەزارەتا چاندنی و پلاندانانا هەرێمێ جڤیان و تەکەز لسەر پێشڤەبرنا کەرتێ چاندنیێ و دیتنا بازاری بۆ بەرهەمێن نافخۆ کرنە.

ئەڤرۆ شەمبیێ ل ( ١٧ مژدارا ٢٠١٩ێ) ب مەرەما هەلسەنگاندنا چەند ڤەکۆلینەکا مەیدانی د بیاڤێ چاندنیێ دا، بێگەرد تالەبانی وەزیرا چاندنێ و دارا ڕەشید وەزیرێ پلاندانانێ، جڤیان.

بێگەرد تالەبانی بەحسا وێ یەکێ ژی کر، " دێ ڤەکۆلینێن ناڤ هەلسەنگاندنێ کەینە بنەمایا بەرەڤ پێشڤەبرنا کەرتێ چاندنیێ و ئاودیرێ، هەروەسا دیتنا بازاری بۆ بەرهەمێن نافخۆیی".

ئەڤدەم، دارا ڕەشید دیارکر ژی، ئەو وەک وەزارەتا پلاندانان دێ ل ڕوویێ پلاندانانێ هاریکاریا وەزارەتا چاندنیێ کەن.

لگۆڕەی ڕاگەهاندنا وەزارەتا چاندنیێ، وان ڤەکۆلینێن مەیدانی ژ سالێن ٢٠١٣ هەیا کو ناڤەڕاستا ٢٠١٨ێ کار تێدا هاتیە کرن و بودجەیا وێ هەلسەنگاندنێ ژی، ژ ئالیێ کونسولخانەیا شانشینا هۆلەندا ل هەولێرێ و ئاژانسا گەشەپێدانا ناڤدەولەتی USAID بوویە و هەروەسا، ژ ئالیێ هەردوو رێکخراوێن FAO و UNDP ێ هاتنە ئەنجامدان.

ئەڤە ژی د دەمەکێ دایە، ڕەوشا چاندنیا هەرێما کوردستانێ د ئاستەکێ لاواز دایە و د دەمێ حکومڕانیا کوردی دا ل باشورێ کوردستانێ دا، وەک پێدڤی کار بۆ ڤەژاندنەڤێ نەهاتیە کرن و سالانە بەرهەمەکێ زۆرێ جوتیارێن نافخۆی بێی هەبوونا چ بازاران بۆ ساخکرنەڤا وان وەسا دمینن.