سەرنووچە:

بەردەڕەش.. د دوو بوویەرێن هاتنوچوونێ دا چار کەسان ژیانا خۆ ژ دەستدان

شەش کەس ژی برینداربوون
فۆتۆ: 
2019-11-17

1570 جار خوێندراوەتەوە

دیجیتال میدیایا ئێن ئاڕ تی، بەردەڕەش، شکیران زێباری

د دوو بوویەرێن جودا یێن هاتنوچوونێ دا ل سنورێ قەزا بەردەڕەش چار کەسان ژیانا خۆ ژ دەستدا کو سێ ژ وان ئەندامێن یەک خێزانن، شەش کەسێن دی ژی برینداربوون.

حازم محەمەد پەیڤدارێ هاتنوچوونا بەردەڕەش بۆ دیجیتال میدیایا ئێن ئاڕ تی ڕاگەهاند، بەریا دەمەکێ بوویەرەکا هاتنوچوونێ لسەر ڕێیا چڕە بۆ ڕۆڤیا ل نێزیک گوندێ دیناران یێ گرێدایی قەزا بەردەڕەش ڕوودا و د ئەنجامێ دا سێ ئەندامێن یەک خێزان ژیانا خۆ ژ دەستدان و سێ کەسێن دی ژی برینداربوون.

دیارکر ژی، بوویەر ژ جورێ لێکدان د ناڤبەرا دوو تڕۆمبێلان دا بوویە، سێ کەسێن ژیانا خۆ ژ دەستداین ئاکنجیێن قەزا ئاکرێ نە.

پەیڤدارێ هاتنوچوونا بەردەڕەش دازانین ژی، هەر ئەڤ شەڤە ل گوندێ چەمە یێ سەر ب  بەردەڕەش د بوویەرەکا دی یا هاتنوچوونێ دا کەسەکێ ژیانا خۆ ژدەستدا و سێ کەسێن دی ژی برینداربوون.

هەڤدەم نووچەگەهانێ دیجیتال میدیایا ئێن ئاڕ تی ل نەخۆشخانەیا تەنگاڤیان یا ئاکرێ ئاشکراکر، بریندارێن هەردوو بوویەران بۆ وێ نەخۆشخانەیێ هاتنە ڤەگوهاستن و ڕەوشا وان یاباشە.

ئەڤە ژی دەمەکێ دایە، ئەڤرۆ هاتنوچوونا هەرێما کوردستانێ راگەهاند، د نەهـ مەهێن دەربازبووى دا ل هەرێما کوردستانێ سێ هزار و ٣٢٨ بوویەرێن هاتنوچوونێ تۆمارکرنە و د ئەنجام دا ٦٥٥ کەسان ژیانا خۆ ژ دەست دانە و چار هزار و ٨٤٤  کەس ژی برینداربوونە.

بوویەرێن هاتنوچوونێ ب یەکەم سەدەما جان ژ دەستدانا وەلاتیان د هەرێما کوردستانێ دا دهێتە دانان، لگۆری ئاماران ژی د ١٥ سالێن دەربازبوویی دا، ل هەرێما کوردستانێ زێدەتری ١٠ هزار کەسان جانێ خۆ ژ دەستدانە و زێدەتری ١٠٠ هزار کەسان ژی کێمئەندام و برینداربوونە.

س.م

لا يتوفر وصف للصورة.ربما تحتوي الصورة على: ‏‏نشاطات في أماكن مفتوحة‏‏