سەرنووچە:

سازیا هەنگاو: هەیا نها ٢٦ خۆنیشاندەر ل ڕۆژهەلاتا کوردستانێ هاتنە کوشتن

فۆتۆ: 
2019-11-17

300 جار خوێندراوەتەوە

سازیا هەنگاو بۆ مافێن مرۆڤان ڕاگەهاند، ل تەڤاهیا باژاڕێن ڕۆژهەلاتا کوردستانێ هەیا نها ٢٦ خۆنیشاندەر هاتنە کوشتن و ١٤٧ خۆنیشاندەرێن دی ژی برینداربوونە.

ئەڤرۆ یەکشەمبیێ پشتی دەربازبوونا دوو ڕۆژان بسەر خۆنیشاندانێن ئیرانێ، کو ل چەندین باژاڕان دەستپێکریە، سازیا هەنگاو داوی ئامارێن کوشتی و برینداران ڕاگەهاند، لگۆری ڕاگەهاندنا ڕووپەلێ هەژمارا کوشتیێن خۆنیشاندانان گەهشتیە ٢٦ خۆنیشاندەران و ١٤٧ خۆنیشاندەر ژی برینداربوونە.

هەنگاو ب ڤی ڕەنگی ئامار نیشاندانە، ل باژاڕێ جوانڕۆ ١٤ خۆنیشاندەر هاتنە کوشتن و ٥٢ خۆنیشاندەرێن دی برینداربوونە، ل باژاڕێ مەریوان ژی ٦ کوشتی و ٥٠ بریندار، ل کرماشان ٥ کوشتی و ٢٠ بریندار هەنە، ل سنە ژی خۆنیشاندەرەک هاتیە کوشتن و ٢٥ێ دی ژی برینداربوونە.

شەڤا ئەینیا دەربازبوویی خۆنیشاندان و نەڕازیبوون ل دژی بلندبوونا بهایێ بەنزینێ بۆ سێجار هند ل ئیرانێ دەستپێکر، ژ ڕۆژا شەمبیێ ڤە ئالۆزی کەفتیە ناڤ خۆنیشاندانان و ب وێ سەدەمێ ژی کوشتی و بریندار لپەی بوون.

س.م