سەرنووچە:

حکومەت: کڕینا ڤێللایان ژ ئالیێ مالباتا بارزانی ڤە ل ئەمریکا دوورە ژ ڕاستیێ

فۆتۆ: 
2019-11-17

348 جار خوێندراوەتەوە

نڤیسینگەها سەرۆکێ حکومەتا هەرێما کوردستانێ لسەر نووچەیا کڕینا دوو ڤێللایان ژ ئالیێ مالباتا بارزانی ڤە هاتە دەنگ و ئەو نووچە ڕەتکر.

ئەڤرۆ یەکشەمبیێ، د ڕاگەهاندنەکێ دا کو ژ ئالیێ نڤیسینگەها سەرۆکێ حکومەتا هەرێما کوردستانێ دەربارەی نووچەیا کڕینا دوو ڤێللایان ژ ئالیێ مالباتا بارزانی ڤە ل ویلایەتا کالیفۆرنیا ئەمریکا هاتیە بەلاڤکرن و تێدا هاتیە، "د ڤان چەند ڕۆژێن داویێ دا نووچەیەکا نەڕاست د ڕووپەلەکا ئەمریکی دا هاتیە بەلاڤکرن، ب ئاوایەکێ نەڕەوا ناڤێ سەرۆکێ حکومەتا هەرێما کوردستانێ ب بابەتێ کڕینا ڤێللایەکێ ڤە گرێدابوو، جهێ داخێیە هندەک ڕووپەل و میدیایێن ناڤخۆ ژی ئەو نووچەیا نەڕاست پێشڤە بربوو، ئەم ل نڤیسینگەها سەرۆکێ حکومەتێ، سەروبنێن وێ نووچەیێ ڕەتدکەین".

هەروەسا دیارکریە، "دێ ڕێکارێن یاسایی ژی لهەمبەر وان چەواشەکاریان گرینەبەر".

ئەڤە ژی دەمەکێ دایە، ڕۆژا ١٣ێ ڤێ مەهێ نووچەیەک د چەند ڕووپەلێن ئەمریکی دا بەلاڤببوو و شاڕەزایەکێ ئەمریکی د بیاڤێ بازاڕێن سەرمایەداریا کەسایەتیێن جیهانی د نڤیسینەکێ دا بەحسا وێ یەکێ کربوو کو مالباتا بارزانی ب بهایێ ٤٧ ملیۆن دۆلاران دوو ڤێللاا ل ویلایەتا کالیفۆرنیا ئەمریکا کڕینە.

س.م