سەرنووچە:

ڕۆژهەلاتا کوردستانێ.. ل چەند باژاڕان خۆنیشاندان بەردەومن

٢١ کەس هاتنە کوشتن
فۆتۆ: 
2019-11-17

302 جار خوێندراوەتەوە

خۆنیشاندانێن ئیرانێ بەرفرەهـ دبن و چەندین باژاڕ ڤەگرتنە و ل باژاڕێن مەریوان و کرماشان ژی هێزێن ئەولەهیێ تەقە ل خۆنیشیاندەران کریە.

چاڤکانیەکێ ل باژاڕێ مەریوانێ بۆ دیجیتال میدیایا ئێن ئاڕ تی ڕاگەهاند، خۆنیشادەران چەند جهەک شەوتاندنە و هێزێن ئەولەهیێ ژی تەقە لێ کرنە.

هەڤدەم ل باژاڕێ کرماشان ژی خۆنیشاندان بەرفرەهتر بوویە و حکومەتا ئیرانێ ژی هێلا ئینتەرنێتێ ل سەرتاسەری وەلاتی دا قوتکریە.

هەڤدەم ڕێکخراوا هەنگاو بەلاڤکر یە، "  ب پشتگرێدان ب ئامارا تۆمارکری ل ناڤەندا ئامارا هەنگاو، دووهی شەمبیێ هەری کێم ١٦٣ وەلاتی ل باژاڕێن جوانڕۆ، سنە، مەریوان و کرماشان، ب تەقەیێ ڕاستەوخۆیا هێزێن چەکدار یێن ئیرانێ بووینە قوربانی، کو ٢١ کەسا ژیانا خۆ ژ دەست دایە".

بەحسا وێ یەکێ ژی کر، ل باژاڕێ جوانڕۆ هەری کێم ١٤ خۆنیشاندەر ب تەقەیێن هێزێن چەکدار یێن ئیرامێ هاتنە کوشتن و ٥٢ کەسێن دی ژی بریندار بوونە، ل باژاڕێ مەریوان ب تەقەیێن هێزێن ئەولەهیێ ٦ کەس هاتنە کوشتن و ٥٠ وەلاتیێن دی ژی، کو سێ ژ وان زارۆکن، هاتنە بریندارکرن، هەروەسا ل باژاڕێ سنە سنێلەکێ ١٦ سالی هاتیە کوشتن و ٢٥ کەسێن دی ژی بریندارن. ل باژاڕێ کرماشان ژی ١٥ وەلاتی ب تەقەیێن هێزێن ئەولەهیێ هاتنە بریندارکرن.

ئەڤە د دەمەکێ دایە، کو ل ڕۆژا ئەینیێ و شەمبیێ خەلکێ ئیرانێ ل دژی بلندبوونا بهایێ بەنیزینێ لە ١٠٠٠ تمەنەوە بۆ ٣٠٠٠ تمەن، نەڕازی بوون نیشاندان و هاتینە سەر جاددەیێن گشتی و ل باژاڕێن کوردی ژی خەلکێ ١٤ باژاڕان خۆنیشاندانێن نەڕازبوونێ دەستپێکرینە.