سەرنووچە:

ئەگەرێن ژبیرکرنا هندەک خەونان چنە ؟

فۆتۆ: 
2019-11-17

490 جار خوێندراوەتەوە

زانایێن بیاڤێ زانستیێ دەماران ل زانینگەها هارڤارد ئاشکرا کریە، د دەما دیتنا خەونان دا مێشک زانیاریان ڕێکدئێخیت و هندەکان رەش دکەت.

مالپەرا ئەلعەرەبییە د نووچەیەکێ دا ئاماژە ب وێ چەندێ کر، د دەما ڕۆژێ دا ب ڕێکا شەش هزار گەهێنەرێن کەهرەبای کو پەیوەندى ب دەمارێن خانەیان ڤە هەیە، مێشک پترى شەش ملیون گێگابایتێن زانیاریان وەردگریت و د خانەیان دا هەلدگریت.

د شەڤان دا پشتى مڕوڤ دنڤیت، مێشک هەمى  زانیاریێن بێ مڤا ژناڤدبەت و رەش دکەت و یێن گرنگ هەلدگریت، ئەڤە ژى وێ وەدکەت کو مڕۆڤ گەلەک خەونێن تێکەل ببینیت.

زانایێن د وى بیاڤى دا دەربارێ سەدەما ژبیرکرنا هندەک ژ خەونان د بێژن، "ئەڤ جورە خەونە ژبلى کو د تێکەلن و لێ تێگەهشتنا وان یا گرانە، د هەمان دەم دا دەم کورتن و سپێدەهیان دەما ژ خەو ڕادبی ل هزرا تە دچن و نزانى ئەو خەونا تە دیتى چ بوو".