سەرنووچە:

هونەرمەندەکێ دیارێ ئێزدی وەغەرا داویێ کر

فۆتۆ: 
2019-11-16

1808 جار خوێندراوەتەوە

دیجیتال میدیایا ئێن ئاڕ تی، نەزیر شنگالی

شەڤا دەربازبوویی هونەرمەند و ئەکتەرێ دیارێ ئێزدی حەسۆ شڤان شێڤۆ بەرنیاس ب پیر حەسۆ بسەدەما نەخۆشیێ وەغەرا داویێ کر.

نووچەگەهانێ دیجیتال میدیایا ئێن ئاڕ تی ڕاگەهاند، شەڤا دەربازبوویی ١٥ێ مژدارا ٢٠١٩ێ هونەرمەند حەسۆ شڤان شێڤۆ یێ خەلکێ ناحیەیا گر عوزێر یا سەر ب قەزا بەعاج بسەدەما نەخۆشیێ د مالا خۆ دا وەغەرا داویێ کر، ب ڕێورەسمەکا تایبەت هاتە ڤەشارتن.

حەسۆ شڤان شێڤۆ ل سالا ١٩٨٠ێ ل ناحیا گرعزێر یا سەر ب قەزا بەعاج هاتیە دونیایێ و ل سالا ٢٠٠٧ وەک ئەکتەر و شانۆکار دەست ب کارێ شانۆیێ و دروستکرنا کورتە فیلمان کریە.

هونەرمەندێ ناڤبری پشکداری د سێ فیلمێن سینەمای و هەژمارەکا زێدەیا شانۆگەریان کریە، تەڤی وی کاری کارێ میۆزکێ کریە و ساز ژەن بوویە.

پشتی هێرشین داعشێ بۆسەر قەزا شنگال و دەردورا وێ هونەرمەند حەسۆ شڤان شێڤۆ و هزاران خەلکێ دی یێ وێ قەزایێ ئاوارەی پارێزگەها دهۆکێ بوون و ئەو ل گوندێ بێبانێ یێ سەر ب قەزا شێخان ئاکنجیبوویە، د ڤان سالێ داویێ دا تووشی نەخۆشیا مەژی ببوو، دەما ١٥ ڕۆژان بوو ل ولاتێ ئیرانێ نەشتەرگەری بۆ هاتبووکرن، لێ شەڤا دەربازبوویی د ناڤا مالا خۆ دا هەر ب وێ نەخۆشیێ وەغەرا داویی کر.

س.م