سەرنووچە:

کفری.. د کۆمیتەیەکا یەکێتیێ دا شەڕە تەقە ڕوودا

دوو کادیر برینداربوونە
فۆتۆ: 
2019-11-16

442 جار خوێندراوەتەوە

ل قەزا کفری بسەدەما شەڕە تەقەی د ناڤبەرا دوو کادیرێن یەکێتیێ د ناڤ کۆمیتەیا وێ حزبێ دا دوو کەس ب فیشەکان برینداربوون.

نووچەگەهانێ دیجیتال میدیایا ئێن ئاڕ تی ڕاگەهاند، ئەڤرۆ شەمبیێ ١٦ێ مژدارا ٢٠١٩ێ د دەما بڕێڤەچوونا کۆنفرانسێن ناڤخۆیێن یەکیتیێ، وەک بەرهەڤکاریەک بۆ چارەمین کۆنگرەیێ خۆ، شەڕ د ناڤبەرا دوو کادیرێن وێ حزبێ دا ڕوودا.

دیارکر ژی، شەڕ لسەر وێ یەکێ ڕوودایە کو ناڤێ یەک ژ وان کادیران د تۆمارا دەنگدانا کۆمیتەیا وێ حزبێ دا نەبوویە.

بەحسا وێ یەکێ ژی کر، ب سەدەما شەڕی دوو کەس ب فیشەکان برینداربوون و برینا وان ژی نەیا گرانە.

ئەڤە ژی دەمەکێ دایە، کو ل حەفتیا دەربازبوویی ژی د ناڤا بارەگەهەکێ پێشمەرگەیێن یەکەیا حەفتا ل قەزا بەردەڕەش کو سەرب یەکێتیێ یە لسەر پۆست و پلەیان شەڕ د ناڤبەرا هەژمارەک پێشمەرگەیان دا ڕوودا و ب وێ سەدەمێ ژی دوو پێشمەرگە هاتنە کوشتن و یەکی دی ژی برینداربوو.

ل دەستپێکا دامەزراندنا یەکێتیا نیشتیمانیا کوردستانێ هەیا نها ئەڤە چارەمین جارە ئەو حزبە کۆنگرەیێ خۆ گرێددەت، داوی کۆنگرە ژی ل سالا ٢٠١٠ێ بوویە.

س.م