سەرنووچە:

بالەفرێن تورکیا ب دژواری بۆمبەبارانا تل تەمەر دکەن

شەهید و بریندار هەنە
فۆتۆ: 
2019-11-15

254 جار خوێندراوەتەوە

دیجیتال میدیایا ئێن ئاڕ تى، ڕۆژئاڤایێ کوردستانێ، تائیف گۆران

ئەڤرۆ ئەینیێ جارەکا دی بالەفڕێن شەڕی یێن تورکیا ناحیەیا تل تەمەر ل ڕۆژئاڤایێ کوردستانێ بۆمبەبارانکرن و ب وێ سەدەمێ ژی هەژمارەک شەهید و بریندار لپەی بوون.

نووجەگەهانێ ئێن ئاڕ تی ل ڕۆژئاڤایێ کوردستانێ ڕاگەهاند، ئەڤرۆ ئارتێشا تورکیا و چەکدارێن نێزیک ژ وی ولاتی، هێرشی سەر گوندێن تل تەویل، قاسمیە و عەریشە ل نێزیک تل تەمەر کرنە و بالەفرێن تورکیا ژی ب دژواری وان دەڤەران بۆمبەباران دکەن، ب وێ سەدەمێ ژی هەژمارەک وەلاتیێن دەڤەرێ شەهید و برینداربوونە.

دیارکر ژی، ژبەر دژواری و بەردەوامیا بۆمبەبارانان هەیا نها هەژمارا شەهید و برینداران ناهێتە زانین و هند بریندار بۆ نەخۆشخانەیان هاتنە ڤەگوهاستن.

لگۆری زانیاریێن ئێن ئاڕ تی، ئارتێشا سوریا ب هەڤبەشی دگەل هەسەدێ وان گوندان دپارێزن و بەرسڤا هێرشێن چەکدارێن نێزیک ژ تورکیا دانە.

زێدەباری ڕاگەهاندنا ئاگربەست و لهەڤهاتنێن ناڤبەرا تورکیا و ئەمریکا، تورکیا و ڕوسیا، لێ هەیا نها شەڕ و پەڤچوون ل باکورێ سوریا بەردەوامن و هەسەدە دبێژیت تورکیا و گرۆپێن گرێدایی وێ پێگیری لهەڤهاتن و ئاگربەستان نینە و بەردەوامن لسەر هێرشان و ئەو ژی بەرسڤ ددەن.

س.م