سەرنووچە:

نوینەرێ عەلی سیستانی: چ داخوازیەکا خۆنیشاندەران نەهاتیە جیبجیکرن

فۆتۆ: 
2019-11-15

149 جار خوێندراوەتەوە

نوینەرێ عەلی سیستانی ڕاگەهاند، چ داخوازیەکا خۆنیشاندەران نەهاتیە جیبجیکرن و ئەو شەڕی بۆ ئەنجامدانا چاکسازیان دکەن.

ئەڤرۆ د گۆتارا ئەینیێ دا ل نەجەف نوینەرێ عەلی سیستانی ڕاگەهاند، پێدڤیە یاساییەکا نوو بۆ هەلبژارتنان بهێتە دانان و پێدڤیە گۆهەڕتن د کۆمسیۆنا هەلبژارتنێن عێراقێ دا بهێتەکرن، ب ئاوایەکێ ب تەمامی بێلایەنی تێدا یا پاراستی بیت.

ئەو یەک ژی گوت، نابیت خۆنیشاندەر زەرەرێ ب سازیێن دەولەتێ بگەهینن و پێدڤیە ب ئاوایەکێ سڤیلانە خۆنیشاندانان بکەن و هەر کەس و ئالیەکێ دەست د شەوتاندن و تێکدانا مولکێ گشتیێ دامودەزگەهان دا هەبیت بهێتە دادگەهکرن، ئەو کارە ژ ڕوویێ شەرعی ژی ڤە حەڕامە.

وەک نیشانەیەک بۆ هەلبژارتنا بەروەخت ل عێراقێ، وی نوینەری دازانین، پێدڤیە بۆ هەلبژارتنێ باوەڕی لدەف وەلاتیان بهێتە دروستکرن و پێدڤیە ب ڕێیا هەلبژارتنا پاقژ و نهێنیا گشتی دوبارە نەخشەیێ سیاسیێ عێراقێ بهێتە داڕشتن و ئاریشەیێن ولاتی بهێنە چارەسەرکرن.

ئەو یەک ژی بەحسکریە، کو چ ئالیەکێ دەرەکی مافێ وێ یەکێ نینە دەست د کاروبارێن عێراقێ وەربدەت و پێدڤیە گەلێ عێراقێ بڕیاران بدەت.

ئەڤە ژی دەمەکێ دایە، زێدەتری ٢٠ ڕۆژانە خۆنیشاندان ل بەغدا و باژاڕێن دی یێن باشورێ عێراقێ بەردەوامن و سەدان خۆنیشاندەر هاتنە کوشتن و ب هزاران ژی برینداربوونە و ئەینیا ئەڤرۆ ژی ل بەغدا ب ئەینیا خۆڕاگریێ هاتیە بناڤکرن و داخوازا گۆهەڕتنا بنبڕی و چاکسازیێ دکەن.

S.M