سەرنووچە:

هەژمارەکا سەرۆک باژێرڤان و بەرپرسێن هەدەپێ هاتنە دەستەسەرکرن

فۆتۆ: 
2019-11-15

157 جار خوێندراوەتەوە

چار سەرۆک باژێرڤان و هەشت بەرپرس و ٥٢ ئەندامێن هەدەپێ ل باکورێ کوردستانێ هاتنە دەستەسەرکرن.

میدیایێن تورکیایێ بەلاڤکر، سێ سەرۆک باژێرڤانێن هەدەپێ ل باژارێ ماردینێ ل باکوری کوردستانێ ژ ئالیێ پۆلیسێن تورکیایێ ڤە هاتنە دەستەسەرکرن.

هەڤدەم ل باژارێ دیلوکێ ل باکورێ کوردستانی ژى بنگەهـ و بارەگەهێن رێکخستنێن هەدەپێ ٥٢ کەس ژ رێڤەبەر و ئەندامێن هەدەپێ ژ ئالیێ پۆلیسان ڤە هاتنە دەستەسەرکرن.

هەر د وى چارچوڤەى دا، هێزێن تورکیایێ ل دەڤەرا ئەلبیستانێ یا سەر ب باژارێ مەرەشێ ڤە هەشت بەرپرسێن دى یێن هەدەپێ دەستەسەرکرن.

ئەڤە ژى د دەمەکێ دایە کو ١٣ێ مژدارا ٢٠١٩ێ ئاژانسا رۆیتەرز بەلاڤکر، تورکیایێ چار سەرۆک باژێرڤانێن دی یێن باکورێ کوردستانێ، لسەر کارێ وان لادان، کو هەی نها گەهشتنە ٢٠ سەرۆک باژێرڤانی.

هەڤدەم ئەو یەک ژى دیارکریە، وەزیرێ ناڤخۆ یێ تورکیایێ ئەو بریار دایە و دوو سەرۆک باژێرڤان ل ئامەدێ نە و یەک ژى ل باژارێ شەرنخێ یە و یەکێ دى ژى ل پارێزگەها دێرسمێ یە.