سەرنووچە:

جڤاتا نوینەرێن عێراقێ یاسایا خانەنشینیێ سەرڕاست دکەت

فۆتۆ: 
2019-11-14

669 جار خوێندراوەتەوە

پەرلەمانتارەکێ ڕاگەهاند، جڤاتا نوینەرێن عێراقێ یاسایا خانەنشینیێ سەرڕاست دکەت و کێمترین مووچەیێ خانەنشینیێ بۆ ٥٠٠ هزار دیناران بلند دکەت.

موسەنا ئەمین ئەندامێ جڤاتا نوینەرێن عێراقێ بۆ دیجیتال میدیایا ئێن ئاڕ تی ڕاگەهاند، "سەرڕاستکرنا یاسایا خانەنشینیا هەڤگرتی گەهشتیە پەرلەمانی و حکومەتێ ژی نێرینا خۆ لسەر یاسایێ نیشان دایە، لگۆری سەرڕاستکرنا یاسایێ ژی کێمترین مووچەیێ خانەنشینیێ ٥٠٠ هەیا ٦٠٠ هزار دیناران دبیت".

دیارکر ژی، سالا خانەنشینیێ ژ ٦٣ سال بۆ ٦٠ سالیێ دهێتە کێمکرن، هەر فەرمانبەرەکێ ٣٠ سالێن خزمەتێ ژی هەبن دکاریت داخوازا خانەنشینیێ بکەت.

بەحسا وێ یەکێ ژی کر، سەرڕاستکرنا یاسایا خانەنشینیێ ل عێراقێ ژبەر دوو سەدەمانە، یەکەم، بلندکرنا مووچەیێ خانەنشینیا سڤیلر و سەدەما دوویێ ژی بۆ خانەنشینکرنا کارمەندێن حکومەتێ یە هەیا کو کەسێن دی ل جهێ وان بهێنە دامەزراندن.

دازانین ژی، د کڤانێ سەرڕاستکرنا یاسایا خانەنشینیێ دا ل عێراقێ دێ مووچەیێ پلەیێن تایبەت ب ڕێژەیا سەدا هەشتێ یا مووچەیێن وان هێنە خانەنشینکرن، هەروەسا دێ سالێن وان یێن خزمەتێ ژی بۆ هەژمار کەن.

ئەڤە ژی پشتی وێ یەکێ هات، ڕۆژا دووشەمبی ١١ێ  مژدارا ٢٠١٩ێ جڤاتا نوینەرێن عێراقێ بڕیار دا، د بودجەیێ سالا داهاتی دا جهێ دامەزراندنێ بۆ ٢٣٩ هزار کەسان بکەت و حکومەتێ ژی پارە بۆ وێ مەرەمێ تەرخانکر.

س.م