سەرنووچە:

دهۆک.. د دوو بوویەرێن هاتنوچوونێ دا کەسەکێ ژیانا خۆ ژ دەستدا و پێنجێن دی ژی برینداربوون

ل قەزایێن زاخۆ و شێخان
فۆتۆ: 
2019-11-14

1741 جار خوێندراوەتەوە

د دوو بوویەرێن جودا دا ل سنورێ هەردوو قەزایێن زاخۆ و شێخان کەسەکێ ژیانا خۆ ژ دەستدا و پێنج کەسێن دی ژی برینداربوون.

ئازاد تاها پەیڤدارێ هاتنوچوونا دهۆکێ بۆ دیجیتال میدیایا ئێن ئاڕ تی ڕاگەهاند، ئێڤاریا ئەڤرۆ د ناڤا سەنتەرێ قەزا زاخۆ دا ل نێزیک کۆمپانیا پرا زێرین بوویەرەک ژ جۆرێ لێکدان د ناڤبەرا تڕۆمبێلەکا بارهەلگر و ماتۆرسیکلەکێ دا ڕوودا، د ئەنجام دا شۆفێرێ ماتۆرسیکلێ ژیانا خۆ ژ دەست دا.

دیارکر ژی، هەر ئەڤرۆ لسەر ڕێیا سەرەکیا ناڤبەرا پارێزگەها دهۆکێ بۆ قەزا شێخان ل نێزیک زالگەها ناحیەیا باعەدرێ سێ تڕۆمبێلان ژ جۆرێن تویوتا پڕادوو، كیا ئۆپتیما و کیا سیڕاتۆ لێکدان و ب وێ سەدەمێ ژی پێنج کەس برینداربوون، زەرەرێن مادی ژی گەهشتنە هەرسێ تڕۆمبێلان.

د نەهـ مەهێن دەستپێکا ئەڤ سالە دا ل سنورێ پارێزگەها دهۆکێ ٥٦٥ بوویەرێن هاتنوچوونێ ڕوودانە و ب وێ سەدەمێ ژی ٦٨ کەسان ژیانا خۆ ژ دەستدانە و ٥٦٥ کەسێن دی ژی برینداربوونە.

S.Mربما تحتوي الصورة على: ‏‏دراجة نارية‏‏

ربما تحتوي الصورة على: ‏‏‏سيارة‏ و‏نشاطات في أماكن مفتوحة‏‏‏ربما تحتوي الصورة على: ‏‏‏سيارة‏ و‏نشاطات في أماكن مفتوحة‏‏‏ربما تحتوي الصورة على: ‏‏‏‏‏سيارة‏، و‏سماء‏‏، و‏‏جبل‏، و‏نشاطات في أماكن مفتوحة‏‏‏ و‏طبيعة‏‏‏