سەرنووچە:

وەزارەتا چاندنێ جڤاتەکێ بۆ پیشەسازیا پەلەوەران پێکدئینیت

فۆتۆ: 
2019-11-14

199 جار خوێندراوەتەوە

وەزارەتا چاندن و ژێدەرێن ئاڤا هەرێمێ، بڕیارا دروستکرنا جڤاتەکا بلند بۆ پیشەسازیا پەلەوەر و چەند بڕیارێن دی ژی دەربارەی بەرهەمێن پەلەوەریێ دەرکرن.

لگۆری ڕاگەهاندنەکا وەزارەتێ د جڤینا بێگەرد تالەبانی وەزیرا چاندنێ و ژێدەرێن ئاڤێ دگەل کۆمەلە و سازی و کۆمپانیایێن تایبەت ب پەلەوەران و ئالیکێ بڕیار دانە، هەر کۆمپانیەکا بەرهەمێن قەدەغەکری ل دەرڤە بینیتە ناڤخۆ بکەنە د لیستا ڕەش دا، ئەڤە ژی ژ پێخەمەت پاراستنا بەرهەمێن ناڤخۆ.

دیارکریە ژی، بۆ ڕێکخستنا بازاڕێ پەلەوەران دێ جڤینەکێ دگەل پارێزگەهان کەن.

هەر لگۆری بڕیارێ بەرهەمئینانا چیچەلۆکان ب ئاوایێ تایبەت سنوردار دکەن و تنێ لسەر خواست و پێدڤیا پڕۆژەیێن بەرهەمئین دبیت و کرێیا کارەبا کارگەهێن ئالیکان ژی دێ کێم کەن.

وەزارەتا چاندنێ دایەزانین ژی، ئەو جڤاتا دهێتە پێکئینان هەریەک ژ ڕێڤەبەرێن گشتیێن پەیوەندیدارێن وەزارەت و نوینەرێ وەزارەتا ناڤخۆ و نوینەرێ کۆمەلە و سازیێن جڤاتا پەلەوەران و کەسێن ئەکادیمی ل خۆ دگریت، ڕاستەڕاست ژ ئالیێ وەزیرا چاندنێ ڤە سەرپەرشتی لێ دهێتە کرن.

س.م