سەرنووچە:

مستەفا سەید قادر: ئەم ب هیڤینە پرسا شاندنا مووچەی ب قازانجا هەرێمێ چارەسەر بکەین

پشتی سەرەدانا بەغدا
فۆتۆ: 
2019-11-14

285 جار خوێندراوەتەوە

جێگرێ سەرۆکێ هەرێمێ ڕاگەهاند، ل بەغدا گۆتۆبێژ لسەر چارەسەرکرنا ئاریشەیێن ناڤبەرا هەرێم و عێراقێ کرنە و ب هیڤینە پرسا شاندنا مووچەی ب قازانجا هەرێما کوردستانێ چارەسەر بکەن.

ئەڤرۆ پێجشەمبیێ، مستەفا سەید قادر جێگرێ سەرۆکێ هەرێما کوردستانێ د ڕێورەسما ڤەکرنا پێشانگەها ناڤدەولەتیا پەرتۆکان دا ل سلێمانیێ ڕاگەهاند، د سەرەدانا سەرۆکاتیا هەرێمێ بۆ بەغدا دا، گۆتۆبێژ لسەر تەڤاهیا وان ئاریشەیێن هەلاویستی کرنە کو د ناڤبەرا هەرێما کوردستانێ و حکومەتا عێراقێ دا هەنە.

دازانین ژی، بۆ هوورکاریا چارەسەرکرنا ئاریشەیان لیژنەیەکا پێدڤی هاتیە پێکئینان، دەربارەی شاندنا مووچەی ژی گوت، "ب هیڤینە پرسا شاندنا مووچەی ب قازانجا هەرێما کوردستانێ چارەسەر بکەین".

ئەڤە ژی دەمەکێ دایە، دوهی نێچیرڤان بارزانی سەرۆکێ هەرێما کوردستانێ و جێگرێن وی سەرەدانا بەغدا کرن و دگەل سەرۆکاتیێن کۆمار و پەرلەمان و حکومەتا عێراق و چەند بەرپرسێن دی یێن هێزێن عێراقی جڤیان و پشتەڤانیا خۆ بۆ چارەسەرکرنا ئاریشەیێن عێراقێ نیشاندا.

س.م