سەرنووچە:

بەرپرسێ رێکخستنا هەدەپێ ل دیلۆکێ هات دەستەسەرکرن

فۆتۆ: 
2019-11-14

209 جار خوێندراوەتەوە

ئەڤرۆ بەرپرسێ رێکخستنا هەدەپێ ل دیلۆکێ یا باکۆرێ کوردستانێ ژ ئالیێ پۆلیسێن وى باژاری ڤە هات دەستەسەرکرن.

ئاژانسێن نووچەیێن تورکیا بەلاڤکرنە، ئەڤرۆ لسەر داخوازا دوزگەرێ گشتی یێ عەنتابێ بەرپرسێ رێکخستنا هەدەپێ ل دیلۆکێ یا باکۆرێ کوردستانێ (موسلیم كلیچ) ژ ئالیێ پۆلیسێن وى باژاری ڤە هات دەستەسەرکرن و مالا وى پشکنینە و تەڤاهیا کەلوپەلێن وان دەرخستنە.

ئەو یەک ژى دایە دیار کرن، موسلیم كلیچ کلچ ب بەهانەیا وێ یەکێ کو سەر ب پەکەکێ ڤەیە  و هەڤکاریا پەکەکێ دکە هاتیە دەستەسەرکرن.

هەروەسا لگۆر نووچەیێن میدیایێن تورکیا،  پۆلیسێن عەنتابێ چوونە سەر ئاڤاهیێ هەدەپێ  و تەڤاهیا ئاڤاهى پشکنینە و نەهێلانە کو چ کارمەندەکێ هەدەپێ بچیتە ژوور.

ئەو یەک د دەمەکێ دایە،  د دوو مەهێن دەربازبوویى دا هەیا کو نها ٢٠ سەرۆک باژێرڤانى یێن سەر ب پارتا دیموکراتا گەلان ( هەدەپێ ) ل باکورێ کوردستانێ هاتنە دوورخستن و ل جهێ وان قەیوم هاتنە دانان و هەڤدەم زێدەتر ژ ٢٠٠ ئەندامێن هەدەپێ ژى ب هێجەتا هەبوونا پەیوەندیان دگەل پەکەکێ هاتنە دەستەسەرکرن.