سەرنووچە:

عەبدولمەهدى: خۆنیشاندان دەلیڤەیێن مەزنن بۆ کرنا چاکسازیێ

فۆتۆ: 
2019-11-12

466 جار خوێندراوەتەوە

عادل عەبدولمەهدی سەرۆک وەزیرێن عێراقێ ڕاگەهاند، خۆنیشاندانێن عێراقێ بوویەرێن گرنگبوون و دەلیڤەیەکا مەزنە ژی بۆ کرنا چاکسازیێ.

د داخویانیەکێ دا پشتی جڤینا ئەڤرۆ یا جڤاتا وەزیرێن عێراقێ عەبدولمەهدی ڕاگەهاند، گەندەلیێن نها یێن عێراقێ یێ سالێن دەربازبووینە و لسەر یەک کۆمبووینە و حکومەتا نها ژی بەرپرسیارەتیا دۆسیێن گەندەلیێ هەلناگریت.

بەحسا وێ یەکێ ژی کر، شۆڕەشا گەنجان بزاڤەکا مەزن و چاکسازیەکا تەمامە.

دیارکر ژی، حکومەتا نها کار ب بودجەیا هەڕەمەکی ناکەت وەک حکومەتێن بەریا نها و دکاریت چارەسەریا گەندەلیان بکەت ب ڕێیا وێ سیستمێ کو ئەو پشتەڤانیا وێ دکەت.

بەحسا وێ یەکێ ژی کر، وان پێدڤی ب سەڕاستکرنا دەستورێ و ئەنجامدانا چاکسازیێ د سیستمێ هەلبژارتنان دا هەیە.

عەبدولمەهدی زەلالکر ژی، د ناڤ خۆنیشاندان دا هەندەک کەس هەبوون بزاڤا تێکدانا ناڤ مالا شیعەیان دکرن.

دیارکر ژی، " هێزێن ئەولەهیێ ل یەکێ ئۆکتۆبەرێ هەیا ١٠ێ هەمان مەهـ گولە بکارئیناینە و لگۆڕەی یاسایێ ژی نابیت خۆنیشاندان ل ٤ دەمژمێران دا زێدەتر بەردەوام بیت، د دەمەکێ دا دەمێ ٤٠ ڕۆژە خۆنیشاندان بەردەوامن.