سەرنووچە:

نەوەی نوێ: ئەگەر یەکێتی و پارتی چاکسازیا ڕاستەقینە نەکەن د دەنگدانا دەستورێ عێراقێ دا دێ ڤیتۆیا سێ پارێزگەهان شکێنین

فۆتۆ: 
2019-11-12

389 جار خوێندراوەتەوە

ڤەلڤینا نەوەی نوێ ڕاگەهاند، ئەگەر یەکێتی و پارتی چاکسازیا ڕاستەقینە ل هەرێمێ نەکەن د دەنگدانا دەستورێ عێراقێ دا دێ ڤیتۆیا سێ پارێزگەهان شکێنین.

د پێشوازی یا ڤینسۆ گییۆم پوپۆ بەرپرسێ ئۆفیسا یەکێتیى ئەوروپا دا ل هەرێم، کو سەرەدا نەوەی نوێ  ل سلێمانیێ کربوو، ڤەلڤینانەوەی نوێ ڕاگەهاند، ئەگەر یەکێتی و پارتی چاکسازیا ڕاستەقینە ل هەرێمێ نەکەن ڤەلڤینانەوەی نوێ دێ ڤیتۆیا سێ پارێزگەهێن هەرێمێ شکێنیت و دێ لەگەل ئالیێن دیێن عێراقێ لهەڤهێن، کو دەستورە دەربارز ببیت هەچەند ب دلێ پارتی و یەکێتی نەبیت ژی، لێ د خزمەتا خەلکێ کوردستانێ دا بیت، نەک د خزمەتا هەردوو پارتێن دەستهەلاتدار، ژ بەر وێ یەکێ پێدڤیە چاکسازیا ڕاستەقینە بهێتە کرن بەری هەر تشت ژ دەستبچیت.

کازم فاروق پەیڤدارێ ڤەلڤینا نەوەی نوێ لسەر خۆنیشاندانێن عێراقێ و ڕەوشا هەرێمێ، ب شاندیێ یەکێتیا ئەوروپا ڕاگەهاندیە، پشتەڤانیا خۆنیشاندانێن عێراقێ دکەن و، وان پێ باشە ئەڤ حکومەتا نها بهێتە هەلوەشاندن و هەبژارتنێن بەروەختە ل بن چاڤدێریا نەتەوەیین هەڤگرتی بهێنە کرن.

دایەزانین ژی، دگەل هێزێن کوردی هەڤدەنگ نین و دگەل وانا بەژداریا چ هەڤپەیمانەتیا و فراکسیونەکێ ناکەن، ژبەر کو ئەو وەسا دزانن پارتی و یەکێتی ئەجندایێن خۆ هەنە و خزمەتا کوردا و پرۆسەیا سیاسی ناکەن.

کازم فاروق ب شاندیێ یەکێتیا ئەوروپا ڕاگەهاندیە، ڕەوشا هەرێما کوردستانێ د مەترسیێ دایە و کەس پێشبینیا تەقینا وێ ناکەت، ئەگەر ڤێ جارێ ڕەوش بتەقیت دێ یا ئالۆز و توندوتیژ بیت، نەک مەدەنی، ژبەر کو خەلکێ هەرێمێ  توڕەنە و بەشەکا وەلاتیان ژی باوەری ب خەباتا مەدەنی نەمایە.