سەرنووچە:

عێراق.. د سالا داهاتى دا دێ ٢٣٩ هزار کەس هێنە دامەزراندن

فۆتۆ: 
2019-11-11

342 جار خوێندراوەتەوە

لیژنەیا کار و کاروبارێن جڤاکى د پارلەمانا عێراقێ دا راگەهاند، د بودجەیا سالا ٢٠٢٠ێ دا پارە بۆ دامەزراندنا ٢٣٩ هزار کەسان ب پلەیا وەزیفى تەرخان کریە.

فازیل جابر پارلەمانتارێ عێراقێ راگەهاند،  د بودجەیا سالا داهاتى دا جهێ دامەزراندنا ٢٣٩ هزار کەسان هاتیە کرن  و حکومەتێ پارە بۆ هاتیە تەرخان کرن.

ئەو یەک ژى دایە زانین ، کو ئەو هەژمار دێ لسەر دامودەزگەهێن حکومەتێ دا هێن دابەشکرن و دێ جڤاتا خزمەتگۆزاریا ناڤەندى ل بەغدا رابیت ب وێ هەژمارا پلێن وەزیفى بسەر پارێزگەهان دا ، بێ کو ناڤێ پارێزگەهان هاتبیت.

ئەو یەک ئاشکرا کریە، سەرڕاستکرنا یاسایا خانەنشینیێ دەرفەتەکا باش ب حکومەتێ ددەت بۆ دامەزراندنا دەرچوویێن پەیمانگەهان و زانینگەهان.

ئەو بریارا حکومەتا عێراقێ د دەمەکێ دایە ، کو دەما چەند سالانە حکومەتا هەرێما کوردستانێ دامەزراندن راگرتیە.