سەرنووچە:

ل قامشلۆ زنجیرەکا تەقینان ڕوودان

٢١ برینداربوونە
فۆتۆ: 
2019-11-11

320 جار خوێندراوەتەوە

نووچەگەهانێ دیجیتال میدیایا ئێن ئار تى ، تائیف گۆران، رۆژئاڤا

ل قامشلۆ یا رۆژئاڤایێ کوردستانێ ٣ێ تەقین ڕوودان و ب وێ سەدەمێ شەش کەس شەهیدبوون و ٢١ دى ژى بریندار بوون.

نووچەگەهانێ دیجیتال میدیایا ئێن ئار تى راگەهاند،  ، دەمەکێ بەریا نها دوو ترۆمبێلێن بۆمبەکرى تەقین و  ب وێ سەدەمێ شەش کەس هاتن شەهیدکرن و ٢١ ێن دى ژى بریندار بوونە.

ئەو یەک ژى دایە دیار کرن، تەقینەکا دى کو بومبەکا چاندى بوویە ل نێزیکى کەنیسەکێ د ناڤا باژارى دا تەقیە.

هەیا نها کەسێ بەرپرسیارەتیا وان تەقینان ب ستویێ خۆڤە نەگرتیە و هەیا نها ئامارا فەرمى یا شەهید و برینداران نەهاتیە بەلاڤکرن.

ئەڤە ژى د دەمەکێ دایە ، پشتى هێرشێن تورکیا بۆ سەر رۆژئاڤایێ کوردستانێ ئارامیا دەڤەرێ تێکچوویە و تەقین ل چەند دەڤەران روو ددەن.