سەرنووچە:

نووترین داخویانیا وەزیرێ پەروەردێ لسەر وەرگرتنا پارەى ژ خواندنکاران د خواندنگەهان دا

فۆتۆ: 
2019-11-11

409 جار خوێندراوەتەوە

وەزیرێ پەروەردێ راگەهاند، ب چ ئاوایەکێ رێ ب قوتابخانەیان ناهێت دان کو کەسوکارێن خواندنکاران نەچار بکەن ژ بۆ کو پارەى ب قوتابخانەیان بدەن بۆ نۆژەنکرن و کرینا پێدڤیێن قوتابخانەیان.

ئالان حەمە سەعید وەزیرێ پەروەردەیا حکومەتا هەرێمێ ب ئێن ئار تى راگەهاند، حکومەتێ رازیبوون دەربریە مەهانە پێنج ملیار دینار بۆ بۆژەنکرنا قوتابخانەیان خەرج بکەت و وى پارەى بۆ وان خواندنگەهان دێ هێت خەرج کرن کو پێدڤى ب نۆژەنکرنێ یان ئاڤاهیێن نەهاتینە تمام کرن و کارکرن تێدا هاتیە راگرتن.

وەزیرێ پەروەردێ گوت ژى، سەرۆکێ حکومەتا هەرێمێ رازیبوون دەربریە بۆ خەرج کرنا چار ملیار دیناران بۆ کرینا نەفت بۆ قوتابخانەیان و زێدەتر ل سێ ملیار دینار ژى بۆ کرینا کورسیان و پارەیێن دى ژى بۆ کرینا پێدڤیێن ناڤا قوتابخانەیان دابینکرنە.

ئەو یەک ژى دایە زانین،  کو خوێندن ل هەرێما کوردستانێ لگۆر یاسایێ بێ بەرامبەرە و نابیت پارە ب زوورى ژ خواندنکاران بهێتە وەرگرتن.

ئەڤە ژى د دەمەکێ دایە، ل چەند خواندنگەهەکان پارە ژ قۆتابیان دهێت وەرگرتن ئەڤ یەک ژى نەرازیبوونا دایک و بابان لێکەفتیە.