سەرنووچە:

عەبدولمەهدی: ژبەرخرابیا پلاندانانێ پێنج هزار پرۆژە هاتنە ڕاگرتن

فۆتۆ: 
2019-11-07

185 جار خوێندراوەتەوە

عادل عەبدولمەهدی سەرۆک وەزیرێن عێراقێ ڕاگەهاند، ژبەرخرابیا پلاندانانێ پێنج هزار پرۆژە هاتنە ڕاگرتن ژبەر وێ سەدەمێژی ٣٥٠ دەرفەتێن کاری هاتنە ڕاگرتن.

عەبدولمەهدی: ژبەرخرابیا پلاندانانێ پێنج هزار پرۆژە هاتنە ڕاگرتن

عادل عەبدولمەهدی سەرۆک وەزیرێن عێراقێ ڕاگەهاند، ژبەرخرابیا پلاندانانێ پێنج هزار پرۆژە هاتنە ڕاگرتن ژبەر وێ سەدەمێژی ٣٥٠ دەرفەتێن کاری هاتنە ڕاگرتن.

عادل عەبدولمەهدی سەرۆک وەزیرێن عێراقێ د جڤینا خۆ دا دگەل لیژنەیا بەرفرەها بەرهەڤکرنا بودجەیێ گشتی یا عێراقێ ڕاگەهاند، عێراق پشتا خۆ ب قەرزێن دەرەکی گرێددەت بۆ پێڤبرنا پرۆژە و قەرزێن نافخۆیێ و دەرڤەژی زێدە بوونە و ژ سەدێ ٩٠ ێ بودجەیا عێراقێ ژی تنێ پشت ب داهاتێ نەفتێ گرێددەت.

بەحسا وێ یەکێ ژی کر، ب کوژمێ ١٧ ملیار دۆلار ٩٨٩ پرۆژە ل عێراقێ ژبەر خرابیا پلاندانانێ هاتنە ڕاگرتن، کو زێدەتری پێنج هزار پرۆژە ژی هاتنە ڕاگرتن، ئەو یەکی ژی بوویە سەدەما ڕاگرتنا نێزیکی ٣٥٠ هزار دەلیڤەیێن کاری.

دیارکر ژی، زنجیرەکا چاکسازییێن دارایی دهێتە بۆ کێمکرنا گرانیێن دارایی لسەر بودجەیا گشتی یا عێراقێ، کو ژ سالا ٢٠١٤ێ زێدەتری ٣٤٠ ترلیۆن دینار ب پێشینەیان هاتیە دان و گەلەک پارەیێ دی ژی هاتیە ب هدەردان، ژبەر کو بەریا نها تەڤایا کاران ب حەزو ئارەزو هاتنە کرن.

بەحسا وێ یەکێ ژی کر، چارەسەکرنا ئاریشەیێن دارایی دگەل هەرێمێ کارەکێ ئالۆز و زەحمەتە و د بزافا چارەسەرکرنێ داینە، دفێت هەموو داهاتێن هەرێمێ بۆ بەغدا بهێنە ڤەگەڕاندن، ژبەر کو مافێ تەڤایا گەلێ عێراقێ یە.

دەربارەی بودجەیا گشتی یا ٢٠٢٠ێ عێراقێ عادل عەبدولمەهیدی ڕاگەهاند، " لیژنەیا پێداچوونێ ئەرکدار کریە د چەند ڕۆژێن داهاتی دا گوتوبێژ دێ بەردەوام بن هەیا بزووترین دەم بودجەیا گشتی بشینە پەڕلەمانی و بهێتە پەسەندکرن.

ئەڤە ژی د دەمەکێ دایە، بۆ ١٤هەمین خۆنیشاندان ل بەشەکا باژارێن عێراقێ ل دژی گەندەلیێ و ب هەدەردانا سامانێ وەلاتی بەردەوامن، خۆنیشادەر ژی داخوازا دەست ژ کارڤەکێشانا هەرسێ سەرۆکایەتیێن عێراقێ دکەن.