سەرنووچە:

ترەمپ: من دگەل ئەردۆغان بەحسا داویئینان ب دژایەتیا کوردان کر

فۆتۆ: 
2019-11-07

283 جار خوێندراوەتەوە

دۆنالد ترەمپ ڕاگەهاند، پەیوەندیەکا تەلەفۆنیا گەلەک باش دگەل ئەردۆغان ئەنجام دایە و بەحسا داویئینان ب دژایەتیا دگەل کوردان کریە.

سەرۆکێ ئەمریکا د تویتەکێ دا دیارکر، ئەردۆغان گوتیە وی، چەندین چەکدارێن داعشێ دەستەسەرکرنە، د ناڤ واندا ژی خوشکەک و هەڤژینا ئەبوبەکر بەغدادی هەنە، کو ژبەر ئالۆزیان ڕەڤیانە.

ئەو یەک ژی نڤیسیە، دگەل ئەردۆغان بەحسا ڕەوشا سنورێن تورکیا و سوریا و ژناڤبرنا تیرۆرێ و داویئینان ب دژایەتیا کوردان و چەندین بابەتێن دی کریە. چاڤەڕێیە ڕۆژا چارشەمبیا داهاتی ژی ١٣ێ مەهێ ئەردۆغانی ببینیت.

ژ ئالیەکێ دی ڤە وەزارەتا دەرڤەیا ئەمریکا ڕاگەهاند، جێمس جێفری شاندیێ تایبەتێ ئەمریکا بۆ سوریا، ل ڕۆژێن هەشت و نەهێ ڤێ مەهێ سەرەدانا ستەمبول و ئەنقەرەیێ دکەت و دهێتە چاڤەڕێکرن ژبلی بەرپرسێن تورکیا، بەرپرسێن ئۆپۆزسیۆا سوریا ژی ببینیت.

دیارکریە ژی، جێفری و شاندێ دگەلدا،  دگەل بەرپرسێن بلندێن تورکیا د کڤانێ بەرژەوەندیێن هەڤبەشێن هەردوولایان دا گۆتۆبێژا بابەتێن باکورێ سوریا و ڕووبڕووبوونا داعشێ دکەن.

س.م