سەرنووچە:

بەرپرسەکێ ئەمریکا: هێزێن کوردی ب مە ڕاگەهاندیە ل دەڤەرا ئارام ڤەکشیاینە

ڕەوشا نهایێ ڕۆژئاڤایێ کوردستانێ
فۆتۆ: 
2019-10-22

254 جار خوێندراوەتەوە

بەرپرسەکێ ئەمریکا ڕاگەهاند، هێزێن کوردی ب واشنتنێ ڕاگەهاندیە ل تەڤایا سنورێن دەڤەرا ئارام ل سوریا ڤەکشیاینە.

وی بەرپرسێ ئەمریکی کو نەڤیا ناڤێ وی بهێتە ئەشکەرا کرن بەحسا وێ یەکی ژی کر، د نامەیەمێ دا مەزلوم کۆبانێ فەرماندارێ گشتیێ هێزێن سوریا دیموکرات، کو بۆ مایک پێنس جێگری سەرۆکی ئەمریکا شاندیە و تێدا نڤیسایە، " تەڤایا هێز و یەکەیێن هەسەدێ ڤەکشیاینە".

ڤەکشیانا هێزین کوردی ژی بەری تەمام بوونا دەمێ ئاگربەستێ، کو تورکیا ئەمریکا لسەر لهەڤاهاتبوون.

هەڤدەم مەزلوم کۆبانێ بەحسا وێ یەکێ ژی کر، هێزێن کوردی دێ ب تەمامی پێگیریێ ب بەندێن ناڤ ئاگربەستێ ڕادگەهینن.

ئەڤەژی د دەمەکێ دایە، کو ئەڤرۆ رەجەب تەیب ئەردۆغان سەرۆک کۆمارێ تورکیا گەفێن دووبارە دەستپێکرنا هێرشێن خۆ بۆ سەر ڕۆژئاڤایێ کر ئەگەر هێزێن کوری نەڤەکشیێن.