سەرنووچە:

فەرماندەکێ پۆلیسێن فیدرالیا عێراقێ هات کوشتن

د رووبرووبوونا دژى چەکدارێن داعش دا
فۆتۆ: 
2019-10-22

413 جار خوێندراوەتەوە

فەرماندێ لیوا چار یێ هێزێن پۆلیسێن فیدرالیا عێراقێ د رووبرووبوونا دژى چەکدارێن داعش دا هاتە کوشتن.

ژێدەرەکێ ژ هێزێن ئەولەهیا عێراقێ بۆ دیجیتال میدیایا ئێن ئار تى راگەهاند، ئەڤرۆ عەلی لامی فەرماندێ لیوا چار یێ هێزێن پۆلیسێن فیدرالى یێ عێراقێ د رووبرووبوونا دژى چەکدارێن داعش دا هاتە کوشتن.

ئاماژە ب وێ یەکێ ژى کر، رووبرووبوونا چەکدارى ل نێزیکى دەڤەرا جەزرات ل سنورێ باژارێ سامەرا روودایە و تێدا ژبلى وى فەرماندەى پێنج ئەندامێن دى یێن هێزێن ئەولەهیێ هاتینە کوشتن و سێ یێن دى ژى برینداربوونە.

بەحسا وێ یەکێ ژى کریە، ل هندەک دەڤەرێن ناڤبەرا پارێزگەها سەلاحەدین و دیالە داعش ب رێکا شانێن نڤستى هێرشان ئەنجام ددەت.

ئەڤە د دەمەکێ دایە، کو لڤینێن چەکدارێن داعش زێدەبوونە و شەڤا دەربازبوویى چەکدارێن داعش هێرشى سەر زەڤیا نەفتێ یا "عەلاس" ل قەزا تکریت سەر ب پارێزگەها سەلاحەدین ئەنجام دایە.