سەرنووچە:

دوو کەسێن دى یێن ئێزدى کو ل سوریا هاتبوون رزگارکرن بۆ هەرێمێ هاتنە ڤەگوهاستن

فۆتۆ: 
2019-10-22

232 جار خوێندراوەتەوە

نووچەگەهانێ دیجیتال میدیایا ئێن ئار تى، دهۆک، بێوار حلمى

ئەڤرۆ کچەکا تەمەن ٢٣ سالى و کورەکێ ١١ سالى یێن ئێزدى کو هاتبوون رزگارکرن د دەستێ داعش دا ل سوریا بۆ هەرێمێ هاتنە ڤەگوهاستن.

حسێن قاعیدى بەرپرسێ نڤیسینگەها رزگارکرنا رەڤاندیێن ئێزدى بۆ دیجیتال میدیایا ئێن ئار تى راگەهاند، ئەڤرۆ کچەکا تەمەن ٢٣ سالى و کورەکێ ١١ سالى یێن ئێزدى کو هاتبوون رزگارکرن د دەستێ داعش دا ل سوریا بۆ قەزایا زاخۆ هاتنە ڤەگوهاستن.

ئەو یەک ژى دایە دیار کرن، ئەو هەردوو کەس د نها دا گەهشتینە کەمپا بێرسڤى ٢ ل قەزایا زاخۆ کو مالباتا وان دوو کەسان ل وى جهى نیشتەجێ بوونە و دێ ل وێ کەمپێ دگەل مالباتێن خۆ هێنە بنەجهکرن.

ئەڤە ژى د دەمەکێ دایە، ل سالا ٢٠١٤ێ دەما چەکدارێن داعش شنگال کۆنترۆلکرى ٦٤١٧ وەلاتیێن ئێزدى رەڤاندبوون ، بەشەکا وان هاتینە رزگار کرن و بەشەکا دى ژى هەیا نها مانە.