سەرنووچە:

کەجەکە: دەمهات عەگید و جەمیل ئامەد ل سلێمانیێ ژ ئالیێ تورکیا ڤە هاتنە شەهیدکرن

فۆتۆ: 
2019-10-22

471 جار خوێندراوەتەوە

کۆمیتەیا پەیوەندیێن دەرڤە یا کەجەکێ د ڕاگەهاندنەکێ دازانین، ل باژارێ سلێمانیێ دوو ئەندامێن وان بناڤێن دەمهات عەگید و جەمیل ئامەد ژ ئالیێ دەولەتا تورکیا ڤە هاتنە شەهیدکرن.

د ڕاگەهاندنا کەجەکێ دا ئەو یەک ژی هاتیە، "ل ڕۆژا ١٥ێ جۆتمەها ٢٠١٩ێ دوو هەڤالێن مە ب ناڤێن دەمهات عەگید (سەییدخان ئایاز) کو ل باشورێ کوردستانێ ل دژی داگیرکەریا دەولەتا تورکیا لسەر ڕۆژئاڤایێ کوردستانێ خەبات دکر و جەمیل ئامەد (ئەسەر ئیرماک) کو پێشتر د شەڕ دا بریندارببوو و بۆ نەخۆشیێ سەرەدانا سلێمانیێ کربوو، ژ ئالیێ هێزێن ناڤدەولەتی و دەولەتا تورک و هەڤبەشێن قرێژ هاتن شەهیدکرن".

دیارکریە ژی، "هەردوو هەڤالێن مە ژبەر خرابیا ساخلەمیێ و وەرگرتنا چارەسەریێ سەرەدانا سلێمانیێ کربوون".

بەحسا وێ یەکێ ژی کریە، "پێدڤیە ل دەستپێکێ یەکێتیا نیشتیمانیا کوردستانێ و پەرلەمان و حکومەتا باشور پلانێ ئاشکرا بکەن. پێدڤیە چاوانیا بنپێکرنا ئەسمانێ وی باژاڕی ژ ئالیێ دەولەتا تورکیا ڤە ب باشی و ئاشکرا بهێتە زەلالکرن. هەم ئەم و هەم گەلێ مە چاڤەڕێی ئاشکراکرنا چاوانیا ئەنجامدانا پلانێ دکەین".

ئێڤاری ١٥ێ ڤێ مەهێ لسەر چیایێ ئەزمەر ل باژارێ سلێمانیێ تەقینەک ڕوودا و ب وێ سەدەمێ ژی دوو کەسان جانی خۆ ژ دەستدا و کەسەکێ دی ژی برینداربوو، ئەڤرۆ ژی ئاسایشا سلێمانیێ ڕاگەهاند، ب هەڤکاریا بالەفرا بێ بالەفرڤان یا تورکیا بوویە کو دوو کادرێن پەکەکێ کرنە ئارمانج.

س.م