سەرنووچە:

برێت مەکگۆرک: ل باکورێ سوریا مەترسی لسەر هێزێن ئەمریکا هەیە

فۆتۆ: 
2019-10-13

369 جار خوێندراوەتەوە

برێت مەکگۆڕک، نوینەرێ بەرێ یێ سەرۆکێ ئەمریکا د هەڤپەیمانیا شەڕێ داعشێ دا ڕاگەهاند، ژبەر بێ پلانیا ڤەکشیانێ، هێزێن ئەمریکا مەترسیا دوورپێچکرنێ لسەرە.

مەکگۆرک گوتیە ژی، "ڤەکشیانا هێزان بێ هزرکرن و بێ پلانیێ، تنێ ب تەلەفۆنێ، دێ مەترسیێ لسەر ئاسایشا نیشتیمانیا ئەمریکا دروست کەت و د نها دا تنێ هیڤیخوازم لەشکەرێن مە ب سلامەت ل دەڤەرێ دەرکەڤن.

هەر ئەڤرۆ ئێڤاری ژی بینجامین هۆل ڕۆژنامەڤانێ فۆکس نیۆز د تویتەکێ دا ڕاگەهاند، "ڕەوشا باکورێ سوریا بلەز بەر ب مەترسیێ ڤە دچیت و ئەگەرێ دۆرپێچکرنا هێزێن ئەمریکا هەیە ژ ئالیێ گرۆپێن چەکدارێن سەر ب تورکیا ڤە".

ئەڤە ژی دەمەکێ دایە، ئەڤرۆ هەسەدە و ڕووسیا لسەر وێ یەکێ لهەڤهاتن کو هێزێن حکومەتا سوریا ل کۆبانێ و منبجێ بنەجی ببن. ب ڤێ یەکێ ژی هزاران سەربازێن ئەمریکی ل باکورێ سوریا مانەڤە کو دکەڤنە ناڤ سێگوشەیا گرۆپێن چەکدارێن سەر ب تورکیا، هێزێن حکومەتا سوریا و هێزێن سوریا و هێزێن سوریایا دیموکراتیک (هەسەدە).

س.م