سەرنووچە:

ڕێڤەبەریا خۆسەر: ژبەر تۆپبارانێن تورکیا هەژمارەک مالباتێن داعشێ ل کەمپا عەین عیسا ڕەڤیان

فۆتۆ: 
2019-10-13

277 جار خوێندراوەتەوە

ڕێڤەبەریا خۆسەر راگەهاند، ژبەر تۆپبارانێن تورکیا هەژمارەک مالباتێن داعشێ ل کەمپا عەین عیسا ڕەڤیان و دەست ب ڤالا کەمپێ هاتیە کرن.

ڕێڤەبەریا خۆسەر یا رۆژئاڤایێ کوردستانێ راگەهاند، ژیانا ١٠ هزار کەسێن ناڤ کەمپا عەین عیسا دبن مەترسیا تۆپبارانێن تورکیا دایە.

هەروەسا رێڤەبەریا خۆسەر داخواز ژى ل جڤاتا ئاسایشا ناڤدەولەتى و هێزێن هەڤپەیمانان و کۆمکارا عەرەبى کر و هۆشدارى ل سەرهلدانا رێکخراوا داعش ل سوریایێ دا و داخواز ل کومەلگەها ناڤدەولەتى کر بەرپرسیارەتیا دیرۆکى هەلگرن و بلەز پێنگاڤێ بۆ کۆنترۆلکرنا رەوشێ بهاڤێژن.

ئەڤە د دەمەکێ دایە، ڕێڤەبەریا خۆسەر یا ڕۆژئاڤایێ کوردستانێ ڕاگەهاندبوو، هێرشا لەشکەریا تورکیا بوویە سەدەما ئاوارەبوونا زیدەتری ١٩٠ هزار کەسان.