سەرنووچە:

ئاژانسا هاوار: ل سەرێ کانیێ پێنج چەکدارێن داعشێ هاتنە دەستەسەرکرن

فۆتۆ: 
2019-10-10

139 جار خوێندراوەتەوە

ئاژانسا هاوار نیۆز بەلاڤکر، ل سەرێ کانیێ پێنج چەکدارێن داعشێ هاتنە دەستەسەرکرن و چارێن دی ژی هاتنە کوشتن.

ئاژانسا هەوار نیۆ یا نووچەیی دیارکر، هێزێن پاراستنا جڤاکی پێنج چەکدارێن داعشێ دەستەسەرکرن و چارێن دی ژی کوشتن، کو وان چەکداران بزاڤکرنە ل گوندێ توێما یێ باشورێ سەرێ کانیێ هێرشی سەر وەلاتیێن سڤیل بکەن.

ئەڤ هێرشا چکدارێن داعشێ دەمەکێ دایە، کو د نهادا باکور ڕۆژئاڤایێ کوردستانێ ب درێژاهیا سنورێ دگەل ولاتێ تورکیا ڕاستی هێرشەکا بەفرەها ئارتێشا وی ولاتی بوویە.

ئێڤاری دوهی چارشەمبیێ (٩ێ جۆتمەها ٢٠١٩ێ) ڕەجەب تەیب ئەردۆغان سەرۆک کۆمارێ تورکیا دەستپێکرنا ئۆپراسیۆنا لەشکەرى ل باکورێ رۆژهەلاتا سوریا دبن ناڤی "کانیا ئاشتیێ" ڕاگەهاند.

پشتی راگەهاندنا دەستپێکرنا ئۆپەراسیۆنێ ژی، هەسەدێ دازانین، بالافڕێن تورکیایێ دەست ب بۆمبەبارانکرنا دەڤەرێن سڤیلان ل ڕۆژئاڤایێ کوردستانێ کرنە، ترسەکا مەزن ژی لجەم خەلکێ دەڤەرێ چێبوویە.

گوت ژی، "مە شانیێن بەڕەڤانیکرن لهەمبەرێ هێرشێن ئارتێشا تورکیایێ هەنە و دەستکەفتێن خۆ ڕادەستی تورکیایێ ناکەین، داخوازێ ژی ژ ئەمریکا و هەڤپەیمانان دکەین دەڤەرا دژە فڕینێ ڕابگەهینن".

هەڤدەم ڕوانگەها سوری بۆ مافێ مرۆڤان ئاشکرا کر، د یەکەم ڕۆژا ڕاگەهاندنا ئۆپەراسیۆنا تورکیا و دەستپێکران هێرشان  دا ١١ وەلاتی شەهیدبوونە و هەژمارەکا زێدە ژی بریندارابوونە کو پڕانیا وان سڤیلن.

دەستپێکرنا ئۆپەراسیۆنێ تورکیا ل باکور و ڕۆژهەلاتا سوریایێ کارڤەدانێن مەزنێن جیهانی لدیف خۆ دا ئینان و ژ وان ژی یەکێتیا ئەوروپا ڕاگەهاند، "داخوازێ ژ تورکیایێ دکەین هێرشێن خۆ لسەر ڕۆژئاڤایێ کوردستانێ رابگریت".

س.م