سەرنووچە:

میدیایێن ڕۆژائاڤایێ کوردستانێ: بالەفڕێن ئارتێشا تورکیا دەردورا گرێ سپی بۆمبەباران دکەن

هێرشا ئارتێشا تورکیا بۆ سەر ڕۆژئاڤایێ کوردستانێ
فۆتۆ: 
2019-10-10

285 جار خوێندراوەتەوە

میدیایێن ڕۆژائاڤایێ کوردستانێ دیارکرن، ناحیەیا عەین عیسا ل ڕۆژئاڤایێ کوردستانێ ژ ئالیێ ئارتێشا تورکیا  ڤە ب مووشەکان دهێتە بۆمبەبارانکرن.

دیارکرن ژی، ژبلی ناحیەیا عەین عیسا، بالەفڕێن شەڕی یێن ئارتێشا تورکیا دەردورا گرێ سپی ژی ب دژواری بۆمبەباران دکەن.

هەروەسا سەرێ سپێدەهیا ئەڤرۆ ڤە هەیا نها ئارتێشا تورکیا ب بەردەوامی گوندێ عەین دیوار یێ سەر ب باژارۆکێ دێرکێ ب چەکێن گران تۆپباران دکەت.

هێزێن هەسەدێ بەدەوامن لسەر بەرسڤدانا هێرشان. ئێڤاریا دوهی ژی د درێژاهیا بەرسڤدانان دا تانکەک ژناڤبرنە و دوو لەشکەرێن ئارتێشا تورکیا ژی کوشتنە.

ئەڤە ژی دەمەکێ دایە، ئێڤاریا دوهی چارشەمبیێ (٩ێ جۆتمەها ٢٠١٩ێ) ڕەجەب تەیب ئەردۆغان سەرۆک کۆمارێ تورکیا دەستپێکرنا ئۆپراسیۆنا لەشکەرى ل باکورێ رۆژهەلاتا سوریا دبن ناڤی "کانیا ئاشتیێ" ڕاگەهاند.

پشتی راگەهاندنا دەستپێکرنا ئۆپەراسیۆنێ ژی، هەسەدێ دازانین، بالافڕێن تورکیایێ دەست ب بۆمبەبارانکرنا دەڤەرێن سڤیلان ل ڕۆژئاڤایێ کوردستانێ کرنە، ترسەکا مەزن ژی لجەم خەلکێ دەڤەرێ چێبوویە.