سەرنووچە:

نەوەی نوێ: هێرشێن سەر رۆژئاڤایێ کوردستانێ ب دەستدرێژیێ دزانین

 گەفەکا مەترسیدارە
فۆتۆ: 
2019-10-10

169 جار خوێندراوەتەوە

ڤەلڤینا نەوەى نوێ د بەیاننامەیەکێ دا راگەهاند، " هێرشێن سەر رۆژئاڤایێ کوردستانێ ب دەستدرێژى و گەفەکا مەترسیدار دزانین و چاڤێ مە ل حکومەت و پارلەمانی یە، ب بەرپرسیارانە رەفتارێ دگەل ڤان پێشهاتێن نوو دا بکەن ".

هەروەسا د بەیاننامەیێ دا هاتیە، " هەروەسا ب پێدڤى دزانین هێز و ئالیێن سیاسى دوور ژ بەرژەوەندى و ئاریشە و هەڤرکیێن بچووکێن حزبى ، جڤینەکا بلەز بۆ وەرگرتنا هەلوێستێ نیشتیمانى وێرەکانە بکەن".

ئەو یەک ژى دایە زانین،"" نەوەى نوێ دێ وێ یەکێ کەت ژبلى هەلوێستێن میدیایى ، سنوران ڤەکەن و کەلوپەل و خوارن بۆ رۆژئاڤا بهێتە هنارتن و د نها دا ئەڤ هێرشێن ، دەڤەرێ و ئەزموونا رۆژئاڤا و هەیا هەرێما کوردستانا عێراقێ ژى ئێخستیە ل هەمبەر رەوشەکا مەترسیدار ، ئەگەر ب هوشیارى رەفتارێ دگەل نەهێتە کرن دێ دەرچوون لێ یا گران بیت."

ئاشکرا ژى کر،" ئەم وەک نەوەى نوێ ئیدانەیا وان هێرشێن تورکیا بۆ سەر رۆژئاڤا دکەین و ب دەستدرێژى و گەفەکا مەترسیدار بۆ ئالوزکرنا زێدەتر یا دەڤەرێ و ئاسایشا جیهانى دزانین و هەروەک پێتڤیە ل شوونا درووشم و هەلوێستێ لاستیکى ، راستە راست و بلەز دڤێت رۆلەکا باندۆر و ئاشکرا هەبیت ".

د داویێ ژى دا هاتیە ،وەک نەوەى نوێ چاڤێ مە ل حکومەت و پارلەمانێ کوردستانێ یە کو بەرپرسیارانە رەفتارێ دگەل ڤان پێشهاتان دا بکەن و هەلوێستێ زەلال و ئاشکرا هەبیت هەمبەر وان هێرشێن نەرەوا و بلەز هاریکاریکرن و پشتەڤانى و پێنگاڤێن جددى بهاڤێن ، ل دابینکرنا کەلوپەلێن خوارنی هەیا کو ڤەکرنا سنوران هەمبەر خەلکێ رۆژئاڤایێ کوردستانێ.