سەرنووچە:

دۆنالد ترەمپ: چاڤدێریا رەوشێ دکەین و دێ دگەل هەردوو ئالیان گۆتوبێژان کەین

فۆتۆ: 
2019-10-10

876 جار خوێندراوەتەوە

دۆنالد ترەمپ سەرۆکێ ئەمریکا دەربارێ هێرشێن تورکیا بۆ سەر رۆژئاڤایێ کوردستانێ راگەهاند، ئەو چاڤدێریا رەوشێ دکەن و دێ دگەل هەردوو ئالیان گۆتوبێژێ کەن.

دۆنالد ترەمپ سەرۆکێ ئەمریکا د کۆنفرانسەکا رۆژنامەڤانیێ دا راگەهاند، ئەو کارێ وان کرى دڤیابوو رۆسیا و ئیران و سوریا بکربا و داعش ب هزاران میل ل ئەمریکا دوورە، مە ب ڤەکێشانا لەشکەرێن خۆ ل باکورێ سوریا کارەکێ راست کریە و خەلکەکێ زێدە پشتەڤانێن وێ بریارێ بوونە و دەما وێ یەکێ یە لەشکەرێن وان بۆ وەلات ڤەگەرن..

ئەو یەک ژى دایە زانین، وان هێزێن خۆ ل باکورێ سوریا ڤەکێشاندنە و کورد و تورکیا ب دەهان سالە شەرى دکەن و پەکەکە و تورکیا دۆژمنێن هەفن و زەحمەتە ئەو لهەڤ بکەن.

دایە دیار کرن ژى، بەشەکا داعشێن مەترسیدار دێ بنە جهەکێ دى و ئەگەر کورد چاڤدێریێ لێ نەکەن، دێ تورکیا چاڤدێریێ لێ بکەت.

ل داویا گوتنێن خۆ ژى دا ترەمپ گوت، " کورد بۆ ئاخا خۆ شەری دکەن و ئەو حەژ ل کوردان دەکەت ، لێ پارەیەکێ زێدە سەرف کریە و هاریکاریا کوردان کریە".