سەرنووچە:

سلێمانی.. ئاسایشێ تۆهمەتبارێن تەقەكرنێ ل لقا چار یا پارتى دەستەسەرکرن

فۆتۆ: 
2019-09-22

264 جار خوێندراوەتەوە

ئاسایشا سلێمانیێ راگەهاند، تۆهەمەتبارێن بوویەرا تەقەکرنێ ل لقا چار یا پارتى ل سلێمانیێ هاتن دەستەسەرکرن.

د راگەهاندنەکا رێڤەبەراتیا ئاسایشا سلێمانیێ دا هاتیە، " ئەو کەس و هەڤکارێ وى هاتنە دەستەسەرکرن کو د چەند شەڤێن دەربازبوویى دا ل سلێمانیێ تەقە ل لقا چار یا پارتى کربوو".

ئاماژە ب وێ یەکێ ژى کر، " کارینە د دەما کێمتر ژ ٤٨ سەعەتان دا کەسێ تەقەکەر و هەڤکارێ وى دەستەسەر بکەن و دانپێدان ب کارێ خۆ کرینە و ب سەربەخۆ ئەو کار کربوو".

د راگەهاندنێ دا هاتیە ، " شەڤا ١٩ێ لسەر ٢٠ێ یا ئیلۆنا ٢٠١٩ێ ، دەمژمێر ١١ و ٤٥ خولەک د بوویەرەکێ دا چەند گولە ئاراستەى ئاڤاهیێ لقا چار یا پارتى دیموکراتى کوردستانێ ل جاددەیا سالم هاتبوو کرن و هێزێن مە ب سەرپەرشتیا سەرۆکێ دەزگەهێ ئاسایشا هەرێمێ و رێنمایێن رێڤەبەرێ ئاسایشا سلێمانیێ هاتنە ئەرکدار کرن بۆ ڤەکۆلینێ ژ بوویەرێ".

ئاسایشا ئەو یەک ژى ئاشکرا کریە" ژبلى دەستەسەر کرنا تەقەکەرى و هەڤکارێ وى ، دەست بسەر ترۆمبێلەکێ ژى هات گرتن، کو ئەو کار پێ ئەنجام دایە ژ جورێ لاندکرۆز ستەیشنە، هەروەسا دەست لسەر وى چەکى هاتیە گرتن کو تەقە پێ هاتیە کرن کو ژ جورێ (هۆك) بوویە".

رۆژا ١٩ێ ئەیلونا ٢٠١٩ێ ل بازگەها سماقولی رێگری ل محمود سەنگاوى ئەندامێ مەکتەب سیاسی یا حزبا  وان هاتە گرتن کو بەرەڤ هەولێرێ بچیت.