سەرنووچە:

ل دهۆکێ ب سیمکارتکرنا کارەبێ دەستپێکر

فۆتۆ: 
2019-09-22

521 جار خوێندراوەتەوە

ل تاخێ شاخکێ ل سەنتەرێ پارێزگەها دهۆکی ب سیمکارتکرنا کارەبێ دەستپێکر، کو بودجێ پرۆژە نێزیکى ٣٠٠ ملیۆن دولارنە، پیڤەرێن کەڤن دێ کارێ خۆ کەت هەیا پرۆژێ نووی هەمى دهێتە جیبجیکرن.

محەمەد ئەحمەد سەرۆکێ پرۆژێ پیڤەرێ زیرەک ل پارێزگەها دهۆکێ د کونگرەی رۆژنامەڤانى دا ڕاگەهاند، پرۆژێ پیڤەرێن کارەبێ ل تاخێ شاخکێ ل سەنتەرێ پارێزگەها دهۆکی دەستپێکر کو بودجێ ڤی پرۆژەى، حکومەتا هەرێمێ ب ستویێ خۆ ڤە گرتیە کو نێزیکى ٣٠٠ ملیۆن دولارنە.

دیار ژى کر، ئەڤ پرۆژە ل چەند جهێن هەولێرێ و سلێمانیێ دەستپێکریە و دێ ل سەرانسەرى هەرێما کوردستانی دێ هێتە جیبجیکرن، ئەڤ پیڤەرە دێ ل سەر ستینکان هێنە دانان، دانانا وان پیڤەران لسەر ستینکان بمەرەما وی چەندێ بوویە کو ئەو رێژەیا بەرزە یا کارەبێ کو ٤٠%ێ یە جارەکا دی ڤەگەرینین.

زەلال ژى کر، پیڤەر  ب دوو رێکان دهێتە بکارئینان وەک رێکا کارتا کارەبای یان ژى بنگەهێن فرۆشیارێن وزێ ، کو دێ چەندین فرۆشیارێن وزێ هێنە دانان و بریکا وان دێ داتا و زانیاری بۆ بنگەهێ سەرەکی هێنە شاندن، پروگرام ئەوە کارتێن کارەبای ل دەرڤەى باژاری و وان دەڤەرێن کێم خەلک سەرەدانێ بۆ دکەت بهێتە دانان.

هەروەسا دیار ژى کر، کارێ پرۆژە ژ ئالیێ کومپانیەکا یابانى و کومپانیەکا ئیسپانى و دگەل چەند کومپانیێن ناڤخۆی دهێتە کرن، ئەو کەسێن پێگیریێ ب رێنمایێن وی سیستەمی نەکەن دێ کارەب لێ هێتە قەدکرن و بتنێ کارەب بۆ رۆناهیێ دێ بۆ وى مینیت، ، پیڤەرێن کەڤن دێ کارێ خۆ کەت هەیا پرۆژێ نووی هەمى دهێتە جیبجیکرن.

ئارمانجا پرۆژەی نەهیلانا زیدەگاڤیانە لسەر تورێن کارەبێ و سنورکرنا کارەبی پەیداکر و پاراستنا گوهورک و محاویلان ژ سوتن و پەقینێ یە.