سەرنووچە:

ل چینێ شاندا حکومەتا عێراقێ ب موعجیزە ژ مرنێ رزگاربوون

مەترسى لسەر شاندێ دروست کربوو
فۆتۆ: 
2019-09-21

11522 جار خوێندراوەتەوە

شاندا حکومەتا عێراقێ ل چینێ د دەما دەربازبوونێ لسەر پرەکێ دا رووبرووى باهوزێ بوون و وێ یەکێ مەترسى لسەر شاندێ دروست کر، لێ پشترا شاند ب ئاوایەکێ "موعجیزە" و بێ زەرەر ل وى جهى دەرچوون.

ژێدەرەکێ سیاسى یێ عێراقێ بۆ دیجیتال میدیایا ئێن ئار تى راگەهاند، شاندا حکومەتا عێراقێ ب مەرەما گەشتکرنێ سەردانا هەژمارەکا دەڤەرێن گەشتیارى یێن وەلاتێ چینێ کرن، د دەما دەربازبوونێ لسەر پرا هایون را رووبرووى باهوزەکا بهێز بوون وێ یەکێ ژى مەترسى لسەر شاندێ دروستکر.

وى ژێدەرى بەحسا وێ یەکێ ژى کر، بهێزیا باهوزێ ب ئاوایەکێ بوویە کو ئەگەرا بەربەستا پرێ نەبوویە ، ژیانا ئەندامێن شاندێ دکەفتە مەترسیێ ، ژبەر کو باهۆزێ د شیان دابوو ترۆمبێلان بئێخیتە ناڤا ئاڤێ دا.

ئەو یەک ژى دیار کر، بەریا نها دەستهەلاتدارێن چینێ شاندا حکومەتا عێراقێ ل مەترسیا بکارئینانا پرێ د ڤێ دەمێ دا ئاگەهدار کربوون ، لێ شاندا عێراقێ گوهێ خۆ ب هوشداریێ نەدایە.

پرا هایوان ل وەلاتێ چینێ درێژاهیا وێ ٤٢ کیلۆمەترە ل بەشەکا وەرزان دا ب سەدەما باهوز و با و بلندبوونا ئاستا دەریا مەترسى لسەر وان کەسان دروست دبیت کو وێ پرێ بکار دئینن.