سەرنووچە:

جێگرێ بەرپرسێ مەلبەندێ هەولێر یێ یەکێتى: بەرنامەیێ دارشتى بۆ وێ تەقەکرنێ نەبوویە

بوویەرا تەقەکرنێ ل کومیتەیا یەکێتى
فۆتۆ: 
2019-09-20

645 جار خوێندراوەتەوە

حاجى مەسیفى جێگرێ بەرپرسێ مەلبەندێ هەولێر یێ یەکێتى بۆ ئێن ئار تى راگەهاند، ئەو بوویەر دەستەکە دڤێت ئالوزیان پەیدا کەت و بەرنامەیێ دارشتى بۆ وێ تەقەکرنێ نەبوویە .

حاجى مەسیفى جێگرێ بەرپرسێ مەڵبەندێ هەولێر یێ یەکێتى د دەما بەشداریکرنێ د پانوراما یا ئەڤ شەڤ یا ئێن ئار تى دا راگەهاند، ئەو بوویەر بەرنامە بۆ نەهاتبوو دارشتن و ئالوزى پێڤە دیارە.

ئاماژە ژى کر، خەلکەک هەیە دخوازن ئاریشەیێن یەکێتى و پارتى د ئاراستەیەکا دى دا ببەن.

حاجى مەسیفى دا دیار کرن ژى، پۆلیس بەرپرسیارن ژ ئەولەکارى و پاراستنا بارەگەهێن وان، و دبێژیت" د نها دا ئەم بخۆ دێ بارەگەهێن خۆ ل هەولێرێ پارێزین".

ئەڤە ژی دەمەکێ دایە، دوهی مەحمود سەنگاوی ئەندامێ سەرکرداتیا یەکێتیێ ب مەرەما پشکداریکرن د جڤینا مەکتەبا سیاسیا حزبا خۆ دا سەرەدانا هەولێرێ کر، لێ ل نێزیک زالگەها دۆلا سماقولێ ڕێگری لێهاتە کرن و ڕێ پێنەهاتە دان بچیتە هەولێرێ، ڤێ یەکێ ژی کارڤەدانێن جودا ل دیف خۆ دا ئینان، لسەر بوویەرێ ژی کۆسرەت رەسول نامەیەکا دلگرانیێ ئاراستەی بارزانی کر.

هەڤدەم، شەڤا دەربازبووی ژ ئالیێ هەژمارەکا چەکدارێن نەنیاس تەقە ل بارەگەهێ لقا ٤ یا پارتی ل سلێمانیێ هاتە کرن، پشتی بوویەرێ ژی هێزێن ئەولەهیێن سلێمانیێ ل جادەیا سالم کو جهێ بوویەرێ بوویە و د گەل پشکەکا دی یا جادەیێن سەرەکیێن سلێمانیێ هاتنە بەلاڤکرن.