سەرنووچە:

کۆسرەت ڕەسول نامەیەکا دلگرانیێ بۆ بارزانی هنارتیە و چاڤەرێی بەرسڤێ نە

لسەر ڕێگری کرن ل مەحمود سەنگاوی
فۆتۆ: 
2019-09-19

7023 جار خوێندراوەتەوە

ئەندامەکێ سەرکردایەتیا یەکێتی ڕاگەهاند، لسەر ڕێگری کرن ل مەحمود سەنگاوی بۆ چوونە باژاڕێ هەولێرێ جێگری سکرتێرێ گشتیێ یەکێتی نامەیەکا دلگرانیێ بۆ سەرۆکێ پارتی شاندیە.

د بەرنامەیێ تاوتوێی ئێن ئاڕ تی دا، بورهان سەعید سۆفی ئەندامێ سەرکردایەتیا یەکێتیێ دیار کر، کۆسرەت ڕەسول نامەیەکا دلگرانیێ بۆ مەسعود بارزانی سەرۆکێ پارتی شاندیە و چاڤەرێی بەرسڤێ نە.

وەک ئەو ئەندامێ سەرکردایەتیا یەکێتیێ دبێژە، چ کارمەندەکێ زالگەهێ نکاریت ڕێگریێ ل مەحمود سەنگاوی بکەت، ئەگەر بڕیار لسەرڤەی وان نەهاتبیت.

 ئەڤەژی پشتی وێ یەکێ هات کو ئەڤرۆ مەحمود سەنگاوی بۆ پشکداریکرن ل جڤینا مەکتەبا سیاسیا یەکێتی سەرەدانا هەولێرێ بکەت، ل نێزیک زالگەها دۆلا سماقولێ ڕێ پێنەهاتنە دان بچیتە هەولێرێ.

 پەیڤدارێ یەکێتی ڕاگەهاند، ئەو کار جهێ قبولکرنێ نینە و ئەوا ل هەمبەری وان هاتیە کرن دژی هەموو پەیوەندیێن بهێزێن وانن کو د گەل پارتی دا هەنە.

س.ع