سەرنووچە:

هەولێر.. شاندەکا پارتی سەرەدانا ڤەلڤینا نەوەی نوێ کر

پرسا پیکئینانا یەک لیستیێ
فۆتۆ: 
2019-09-19

594 جار خوێندراوەتەوە

دەربارەی دروستکرنا یەک لیستیێ بۆ هەلبژارتنا جڤاتا پارێزگەها کەرکوکێ شاندەکا پارتی سەرەدانا ئۆفیسا ڤەلڤینا نەوەی نوێ ل باژاڕێ هەولێرێ کر.

پشتی جڤینێ کاکەمین نەجار ئەندامێ مەکتەبا سیاسیا پارتی ڕاگەهاند، سەرەدانا وان بۆ ئالیێ ڤەلڤینا نەوەێ نوێ دروستکرنا لیستەکا هەڤپشکە ل دەڤەرێن کەرکوکێ و موسل و دەڤەرێن دی.

بەحسا وێ یەکێ ژی کر، ئارمانجا وان ئەوە کو دەنگێ کوردان ژ ناڤ نەچن و دیارکر ژی، لێکتێگەهشتنەکا باش د ناڤبەرا ئالییان لسەر دروستکرنا یەک لیستیێ دا هەیە.

هەڤدەم ئاریان تاوەگۆزی بەرپرسێ پەیوەندیێن ڤەلڤینا نەوەی نوێ بەحسا وێ یەکێ کر، وان هێشتا دەربارەی یەک لیستیێ بڕیار نەدایە و گۆت، وی بابەتی پێدڤی ب گوتوبێژ و ڤەکۆلینێن زێدەتر هەیە و دێ دیراسە کەین، لێ پشکداریکرن ب واتەیا بڕیاردانێ نینە بۆ پشکداریکرن د یەک لیستیێ دا.

س.ع