سەرنووچە:

وەزارەتا ناڤخۆ: ڕێگری کرن ل مەحمود سەنگاوی چ بڕیار و ڕاسپاردە ل پشتڤە نەبوویە

وەزارەتا ناڤخۆ  ڕاگەهاندنەک بەلاڤکر
فۆتۆ: 
2019-09-19

368 جار خوێندراوەتەوە

وەزارەتا ناڤخۆیا هەرێما کوردستانێ لسەر ڕێگری کرن ل مەدحمود سەنگاوی بۆ هەولێر ڕاگەهاندنەک بەلاڤکر و ڕاگەهاند، وێ ڕووداوێ چ  بڕیار و ڕاسپاردە ل پشتڤە نەبوویە.

د ڕاگەهاندنا وەزارەتێ دا هاتیە " ل زالگەهەکا دۆلا سماقولێ ڕوودانەکا نەچاڤەڕێکری چێبوویە کو چ  بڕیار و ڕاسپاردە ل پشتڤە نەبوویە. ژ بەر وێ یەکێ بۆ نەهێلانا دلگرانیێن مەکتەبا سیاسیا یەکێتی نیشتیمانی کوردستانێ و ڕێگری کرن ل دووبارە بوونا ڤان جۆرێن ڕوودانان دێ ڤەکۆلینین هوور ل ڤێ ڕوودانێ دەستپێ کەین".

بەحسا وێ یەکێ ژی کر، خەلکێ کوردستانێ  پشتڕاست دکەین هەموو بزاڤێن مە ل ڕێک و پران بۆ دابینکرنا ئێمناهیا سەرومالێ وەلاتیانە.

 ڕاگەهاندنا وەزارەتا ناڤخۆ د دەمەکێ دایە، ئەڤرۆ مەحمود سەنگاوی بۆ پشکداریکرن ل ل جڤینا مەکتەبا سیاسیا یەکێتی سەرەدانا هەولێرێ بکەت، لێ ل یەک ژ زالگەهێن سنورێ هەولێرێ ڕێ پێنەهاتنە دان بچیتە هەولێرێ.

دیڤدا لەتیف شێخ مستەفا پەیڤدارێ یەکێتی ڕاگەهاند، ئەو کار جهێ قبولکرنێ نینە و ئەوا ل هەمبەری وان هاتیە کرن دژی هەموو وان پەیوەندیێن بهێزێن کو وان دگەل پارتی دا هەنە.

س.ع